Che Bar merr pjesë në Streetballin e Bukureshtit

Ekipi fitues i edicionit të sivjetmë në basketbollin e rrugës do të marr pjesë gjat fundjavës në turneun e njohur në kryeqendrën e Rumanisë.

Kampionia e dyfishtë e Kosovës në streetball, skuadra Che Bar e cila të dielën e kaluar në Superfinalen e Limak Streetball Kosova 2014 mbrojti titullin e kampionit, do të hyjë në histori të “basketit 3 kundër 3” apo si e quajmë ne streetballit, si skuadra e parë e cila e ka prezantuar shtetin e Kosovës në një garë zyrtare të FIBA-s.

Fikret Shatri, Ismet Ferati, Enver Dili dhe Fisnik Juniku, të premten herët në mëngjes do të nisen në drejtim të kryeqytetit të Rumanisë, ku do të debutojë në garat zyrtare të FIBA 3×3 Basketball, më saktësisht në Bucharest Challenger 2014 , turneun sfidues i cili tubon skuadrat më të forta të Evropës Juglindore por edhe ato nga Evropa Lindore dhe gadishulli Iberik.

Ekipet nga Shqipëria, Andorra, Bosnja e Hercegovina, Bullgaria, Kroacia, Gjeorgjia, Kosova, Maqedonia, Polonia, Rusia, Serbia dhe Spanja si dhe katër skuadrat më të mira të Rumanisë e kanë konfirmuar prezencën e tyre në Bukuresht dhe do të garojnë për të arritur qëllimin e tyre: kualifikimin në Ëorld Tour.

Për dy ditë rresht, më 26-27 korrik, 12 skuadrat më të mira evropiane, në mesin e të cilave edhe kampionia e Kosovës, Che Bar, së bashku me katër skuadrat më të mira rumune, do të luftojnë për një vend në FIBA 3×3 Ëorld Tour dhe fondin e shpërblimeve prej 5.000 dollarë amerikan.

Fituesit do t’i takojnë 4.000 dollar dhe kualifikimi për në FIBA 3×3 Ëorld Tour Prague Masters,ndërsa vendit të dytë do t’i takon shpërblimi prej 1.000 USD.

Shatri tha se do ta lënë zemrën në fushë dhe do të luftojnë deri në atomin e fundit për ta prezantuar sa më mirë Kosovën sa më mirë. “Është ky debutim i streetballit kosovar në arenën ndërkombëtare, në një garë të organizuar nga FIBA 3×3 Basketball dhe me këtë po e hapim një faqe të re në historinë e stretballit por edhe basketbollit të Kosovës. Pa dyshim se, Agon Fehmiu si kryetar dhe Shoqata e Streetballit e Kosovës kanë bërë një punë të madhe dhe basketbollin e Kosovës, gjegjësisht, “basketin 3 kundër 3” e kanë sjell aty ku e ka vendin, në mesin e ekipeve më kualitative evropiane”, tha Shatri. /Sporti1/Telegrafi/