Çaji i gjelbër lufton depresionin

Konsumimi ditor prej disa lugësh çaj të gjelbër, mund të ulë gjasat për paraqitjen e depresionit te personat e moshuar, kanë bërë të ditur shkencëtarët japonezë.

Hulumtimet e bëra në Universitetin Tohoku në Sendi ku kanë marrë pjesë 1058 persona të hulumtuar, kanë nxjerrë si përfundim se personat më të mëshuar se 70 vjet, të cilët në ditë konsumojnë më së paku katër lugë çaji të gjelbër, kanë mesatarisht 44% rrezik më të ulur për të vuajtur nga simptomat e depresionit.

Shkencëtarët japonezë potencojnë se në efektin e çajit të gjelbër nuk kanë ndikuar faktorë të tjerë si ata social ose ekonomik, si edhe gjinia e tyre, mënyra e të ushqyerit, duhan-pirja, konsumimi i antidepresivëve dhe aktiviteti trupor.

Të dhënat tregojnë se llojet tjera të çajit dhe kafeja nuk kanë ndikimin në paraqitjen e simptomave të depresionit, andaj hulumtuesit kanë arritur në përfundim se rol kyç ka pasur aminoacidi teanin, i cili është pjesë përbërëse e çajit të gjelbër.

Disa studime të mëhershme kishin treguar se çaji i gjelbër mund të ulë pasojat e stresit. /Telegrafi/