Blake Lively akuzon Justin Baldoni për përdorimin e “librit të abuzuesit” në padinë e tij prej afro 400 milionë euro

Blake Lively akuzon Justin Baldoni për përdorimin e “librit të abuzuesit” në një padi prej 400 milion dollarësh kundër saj dhe Ryan Reynolds.

Lively dhe Reynolds u paditën për shpifje nga Baldoni dhe publicistët e tij, që pretendojnë se akuzat për ngacmim seksual të ngritura nga aktorja janë të rreme dhe se Lively ka orkestruar një skemë për të dëmtuar karrierën e tij.

Padia e Baldonit është një tjetër hap në një betejë ligjore që ka nisur para Krishtlindjeve, kur Lively e paditi Baldonin për ngacmim seksual dhe një mjedis toksik pune gjatë xhirimeve të filmit ‘It Ends With Us’, shkruan DailyMail.

Avokatët e Lively kritikuan ashpër Baldonin, duke e akuzuar atë për hakmarrje dhe manipulim të mediave dhe proceseve ligjore për të mbrojtur vetveten.

Në padinë e Baldonit, ai e akuzon Lively-n për përpjekje për të sabotuar filmin dhe për krijimin e një mjedisi të pasivizuar, duke e detyruar atë dhe familjen e tij të qëndronin në një bodrum gjatë premierës.

Baldoni gjithashtu pretendon se Lively nuk e mori seriozisht tematikën e filmit dhe se përdori figura publike për të krijuar një imazh të gabuar të ngjarjeve.

Përveç kësaj, Baldoni ka paditur gazetën ‘New York Times’ për shpifje dhe ka akuzuar Lively për orkestrimin e një fushate negative për të manipuluar opinionin publik dhe për të mbrojtur gabimet e saj gjatë promovimit të filmit. /Telegrafi/