Bebe Rexha iu kundërpërgjigjet kritikave nga fansat: Nuk kam kohë për tallje në rrjetet sociale

Bebe Rexha nuk ka durim për ata që përpiqen të marrin pak njohje prej saj.

Rexha, 31 vjeçe, ra pre e disa ttaljeve në internet, ku një nga ndjekësit në Twitter u përpoq të minimizonte suksesin e saj si një artiste komerciale, shkruan ET Canada.

E gjitha nisi kur një ndjekës i shkroi Rexhës që të “relaksohej”, sepse ajo kishte vetëm “një këngë të certifikuar me pllakatën e diamantit”.

How many you have. One more than you https://t.co/RCCqevzpO5

— Bebe Rexha (@BebeRexha) February 23, 2021

“Ti sa ke? Një më shumë se ti ”, iu kundërpërgjigj Rexha.

“Unë nuk kam kohë për tallje në internet sot. Ejani për mua vetëm nëse doni që unë t’ua shkatërroj jetën tuaj”, shkroi artistja shqiptare në një përgjigje tjetër.

Kur një person tjetër iu drejtua asaj duke i shkruar: “Kënga jote e fundit ishte dështim”, e nominuara dy herë për Çmimet Grammy u përgjigj, “E vërtetë. Por unë ende jam e dashur dhe jam akoma e pasur”.

True. But I’m still loved and I’m still rich. https://t.co/PSjKr8HfRB

— Bebe Rexha (@BebeRexha) February 23, 2021

Ajo më pas ofroi këshilla për ata që duan të arrijnë në jetë duke shkruar: “Thjesht dua të them diçka. Nëse doni të jeni shkëlqyeshëm, përgatituni të dështoni shumë”. /Telegrafi/

Just wanna say something. If you wanna be great, PREPARE TO FAIL A LOT.

— Bebe Rexha (@BebeRexha) February 23, 2021