Bebe Rexha duket atraktive rrugëve të Los Angelesit, ndërsa vë në pah flokët kuq e zi

Këngëtarja shqiptare me famë botërore, Bebe Rexha, po vazhdon të shijojë suksesin e bashkëpunimit të saj më të fundit me Doja Cat.

Kënga “Baby, I’m Jealous” është pritur mirë nga publiku, teksa edhe ndryshimi i këngëtares shqiptare në klip mori komente pozitive.

Ajo i ka lyer flokët e saj në ngjyrat kuq dhe zi, që për koiçidencë janë edhe ngjyrat e flamurit kombëtar.

Që nga koha kur bëri ndryshimin drastik në dukje, artistja shqiptare nuk ka pushuar së publikuari imazhe të ndryshme në rrjetet sociale me pamjen e saj të re.

Lexo po ashtu Bebe Rexha me fotosesion të veçantë për “L'Officiel Australia”, flet për albumin e ri dhe shëndetin mendor gjatë pandemisë

Së fundmi, Rexha publikoi në llogarinë e saj zyrtare në Instagram disa fotografi, ku shfaqej duke shëtitur në ambient të hapur.

Ajo dukej mjaft atraktive dhe me stil e veshur me një palë pantallona të zeza lëkure dhe një xhup ngjyrë vjollcë.

Në përshkrimin e fotografisë, 31-vjeçarja vendosi disa emoji në formë zemre me ngjyrat kuq, zi dhe vjollcë – të cilat portretizojnë ngjyrat e dukjes së saj.

Pëlqimet dhe komentet e shumta nga ndjekësit nuk kanë munguar, shumë prej të cilëve e kanë komplimentuar për pamjen e saj. /Telegrafi/