Shkelje të ndryshme të ligjeve në fuqi, harxhime pa asnjë kriter, moskomunikim brenda institucioneve, dallim mes vlerës së ndarë dhe faturës, janë vetëm disa nga shkeljet që ka gjetur Auditori i Përgjithshëm në institucione shtetërore të sektorit ekonomik.
Auditori thuajse në të gjitha këto institucione kishte gjetur harxhime të mëdha të buxhetit për telefoni mobile, pa pasur kontratë me ndonjë prej operatorëve ekonomikë, siç e kërkojnë ligjet në fuqi, raporton KTV.
Një mal shkeljesh auditori kishte gjetur në Agjencinë Kosovare të Privatizimit, sidomos në mënyrën e ndarjes së 20%-shit të punëtorëve.
Auditori ka konstatuar se AKP-ja me rregulloren e brendshme për shpërndarjen e 20%-it i tejkalon dispozitat e rregullores bazike, ndërsa nuk ka marrë informata nga BSPK-ja lidhur me shpërndarjen e këtyre parave për ish-punëtorët e ndërmarrjeve të privatizuara.
E njëjta kishte kryer pagesa të parregullta për kompensimin e anëtarëve të Bordit të Drejtorëve të AKP-së, ndërsa në buxhet kishte aprovuar 271 të punësuar nga 257 sa ishte numri mesatar i të punësuarve.
Shkelje të mëdha kishte edhe në Autoritetin Kosovar të Konkurrencës, që sipas auditimit të bërë ka dalë se nuk ka kontrolle adekuate të pasurisë, ka mungesë protokolli të faturave nga operatorët ekonomikë.
Si rezultat i kësaj, AKK nuk kishte të dhëna lidhur me obligimet e saja mujore dhe nuk kishte raportuar asnjëherë në Ministrinë e Financave, gjithashtu kishte vonesa në ekzekutimin e pagesave në 9 raste.
Autoriteti kishte shpenzuar mbi 4 mijë euro për 4 zyrtarë të saj dhe 4 inspektorë të mbikëqyrjes së tregut për vetëm dy ditë qëndrimi në Shqipëri.
Përpos transferimeve të punëtorëve nga një pozitë në tjetrën, autoriteti nuk ka asnjë evidencë për shpenzimet e shfrytëzimit të 5 automjeteve, pronë e saj.
Pas analizimit të listës së bizneseve që nuk i përgjigjen ATK-së në kryerjen e obligimeve tatimore ka dalë se disa bizneseve përfituan kontrata për punë dhe shërbime nga Buxheti i Kosovës.
E njëjta agjenci, sipas auditorit ka problem në mbulimin e pagave mujore të punëtorëve për shkak të aprovimit të buxhetit në këtë kategori që ishte nën kërkesat reale të ATK-së.
Si pasojë e kësaj, ATK për çdo muaj ka mungesë të mjeteve për paga dhe mëditje dhe kjo mungesë e buxhetit është financuar nga njё program tjetër i MF-sё.
Në këtë agjenci janë 47 raste, ku koeficienti në kontratë nuk përputhet me pagat, të cilat i marrin aktualisht këta punëtorë si dhe për shumë të tjera ka mungesë përshkrimi të detyrave dhe përgjegjësive të të punësuarve.
Hiq më mirë nuk ka dalë nga auditimi as Agjencia Kundër Korrupsionit.
Kjo e fundit ka dobësi të vazhdueshme të kontrolleve të menaxhmentit dhe kontrolleve të tjera në sisteme kyç financiare.
Sipas auditorit, AKK-ja ka buxhetuar gabimisht një pjesë të shpenzimeve për investime kapitale në kategorinë e mallrave dhe shërbimeve.
Gjithashtu, Kundër Korrupsioni kishte bërë dy pagesa në vlerë prej mbi 1700 eurosh për mirëmbajtjen dhe riparimin e automjeteve dhe ndërtesave, ku zotimi i mjeteve është bërë pas pranimit të faturës, ndërsa në pesë pagesa të tjera në vlerë 11.638€ urdhër-blerja ishte bërë pas pranimit të mallrave dhe faturës.
Në Ministrinë e Tregtisë dhe Industrisë auditori ka vërejtur mungesë të madhe komunikimi si në mes të agjencive që funksionojnë brenda kësaj ministrie, ashtu edhe me institucione jashtë saj.
Mbi 18 mijë euro ishin harxhuar për telefoni mobile, kishte paguar biletë udhëtimi të klasit biznes për në Japoni në vlerë prej 6.843 €, ndërsa ka mbajtur një numër ushtrues detyre për më shumë se tre muaj.
Auditori ka vërtetuar raportimet e medieve rreth subvencionimit të një OJQ-je në vlerë prej 20 mijë eurosh, ku kryetare e bordit drejtues është Sekretarja Permanente e MTI-së, e cila ka vendosur për dhënie të subvencionit, kurse drejtor ekzekutiv i kësaj OJQ-je ishte ish-drejtori i Agjencisë për Promovimin e Investimeve.
Edhe ministria që menaxhon buxhetin e shtetit nuk u ka shpëtuar shkeljeve.
Auditori ka konstatuar se Ministria e Financave ka pasur keq klasifikim të projekteve dhe shpenzimeve kapitale, janë shmangur procedurat e hapura në disa tenderë, si dhe janë angazhuar zyrtarë të njëjtë në përpilimin e specifikacioneve teknike dhe në vlerësimin e ofertave.
Madje në këtë ministri janë edhe të paarsyetuara avanset e udhëtimeve në mbi 1 mijë euro që datojnë nga viti 2012.
Fondi i parasë së gatshme është përdorur për pagesa të drekave zyrtare si dhe blerje, furnizim për zyra dhe udhëtime brenda vendit.
Në Ministrinë e Bujqësisë auditori ka vërejtur se e njëjta kishte nënvlerësuar objektet e Institutit Bujqësor në Pejë, kurse në Prishtinë nuk i kishte vlerësuar fare.
Probleme kishte vërejtur në subvencionimin e fermerëve, në një rast ministria kishte subvencionuar blerjen e një kamioni në vlerë prej 75.000 €, derisa fatura e dorëzuar nuk përmbante asnjë detaj për karakteristikat e tij dhe as dokumentacionin përcjellës.
Auditori ka gjetur probleme edhe në mungesë të detajeve në regjistrin e ankesave të bujqve, për të cilat komisioni nuk kishte raportuar ndaj kryeshefit të agjencisë për zhvillimin e bujqësisë, raporton KTV.
Ministria e Infrastrukturës sipas auditimit të bërë për tre vjet me radhë e ka planifikuar vlerën e njëjtë për të hyrat, pasi që nuk kishte bërë vlerësim të potencialit, ndërsa mbi gjysmën e buxhetit për investime kapitale e kishte shpenzuar në tre muajt e fundit të vitit.
Një vërejtje është bërë edhe për pagesën e këshilltarit të transaksionit për Autostradën Prishtinë-Hani i Elezit nga fondet e zotuara për mirëmbajtjen e rrugëve magjistrale dhe rajonale.
Kjo ministri ka gjashtë nëpunës si ushtrues detyre, të cilëve u vazhdohet kontrata çdo muaj.
Madje, kjo ministri kamionët e vet ia ka dhënë në dispozicion operatorit ekonomik të kontraktuar për mirëmbajtjen e rrugëve në verë dhe dimër, por asnjëherë nuk kishte kërkuar siguri se po bëhet mirëmbajtja e tyre sipas kushteve të kontratës.
Vetëm këshilltarët e ministrit të Punës dhe Mirëqenies Sociale kishin harxhuar rreth 50 mijë euro për derivate, pasi një vendim i ministrit u kishte mundësuar atyre të shfrytëzonin veturat zyrtare 24 orë.
E njëjta ministri, sipas auditivit, kishte angazhuar mjek për pjesëmarrje nëpër komisione vlerësuese me kontrata më të gjata se gjashtë muaj.
Vlera e avanceve të pambyllura ishte mbi 30 mijë euro, pjesa dërmuese në kredit kartela dhe në avance për udhëtime të zyrtarëve jashtë vendit.
Auditori kishte vërejtur se Sekretari i Përgjithshëm kishte avancuar pesë zyrtarë brenda ministrisë pa zhvilluar fare procedurat e konkurrimit të brendshëm. Madje, për një zyrtar nuk ishte bërë vlerësimi i perfomancës fare për vitin 2013, transmeton Koha.net.
Shkelje të mëdha janë gjetur edhe në dhënien e pensioneve për invalidët e luftës, pjesëtarët e TMK-së dhe në përfituesit e skemës sociale. /koha/
Promo
Reklamo këtuLufta Prigozhin - Putin
Më shumëNga Rubrika
Nesër mbledhja e CEFTA-s, Kosova me fusnotë përfaqësohet nga MINT, synohen lehtësira për tregti të lirë
Hyrja në Merdar e mallrave nga Serbia, përfitim apo vështirësi?
Grupi NLB dhuron një milion euro për eliminimin e pasojave të përmbytjeve shkatërruese në Bosnje dhe Hercegovinë
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Nesër mbledhja e CEFTA-s, Kosova me fusnotë përfaqësohet nga MINT, synohen lehtësira për tregti të lirë
Durrësi ende ofron ditë të ngrohta - Shijo pushime të këndshme me oferta për toke
Kërkesa marramendëse për ofertat bombastike të Auto Mita!
Kurti: Paga më të larta e kushte më të dinjitetshme të punës, sigurisht – por, nuk figuron më parulla ‘duam punë’
UBT hap zyrtarisht vitin e ri akademik 2024/25
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Haradinaj: Bashkëpunojmë me të gjithë, edhe me Listën Serbe, por për Kurtin kryeministër nuk bëjmë koalicion
Dani Carvajal mund të mos luajë më futboll
Joseph me mesazh për Serbinë: Jeni me fat që e keni fqinj Albin Kurtin e jo liderin e Hamasit
Historia e errët e vëllezërve Menendez - çfarë dihet për rastin që po bën bujë në internet pas serialit të Netflix?
Man United ka vendimin për të ardhmen e Ten Hag
Përplasje me Netanyahu? Pentagoni thotë se ministri izraelit i mbrojtjes ka shtyrë vizitën në Uashington