Artisti shqiptar që bën skulptura nga hekuri (Video)

Naim Selmonaj është skulptor shqiptar që jeton dhe punon në Zvicër, ku edhe ka krijuar emrin si njëri prej artistëve të paktë në botë që punon në këtë lloj arti.

Arti i skulpturave të inoksit është i veçantë dhe modern dhe si i tillë ka tërhequr vëmendjen e madhe të kritikëve dhe është pritur mjaft mirë edhe nga qytetarët e thjeshtë, të cilët janë në kontakt të përditshëm me këtë lloj skulpture.

Selmonaj, i lindur më 1973 në Kosovë, ka emigruar në Zvicër që në vitin 1991. Karrierën e ka nisur në Kosovë me mundësitë e pakëta që mund t’i nënkuptojmë, por njohja me ambientin zviceran, Naimit i hapi shumë mundësi. Zvicra qe një vend i përshtatshëm për t’u zgjeruar kufijtë e skulpturës.

Siç është e njohur për ne, skulptura është një art gotik, e cila vishet nga parimet e krijimeve romake.

Me talentin e tij, Naimi arriti të bashkëpunojë me artistët më të mirë zviceran, për të zënë kështu një vend të rëndësishëm në artin skulpturor në botë. Dallohet për skulpturat e veçanta në inoks, njëkohësisht edhe për kombinimin unik të pikturës me skulpturë, elemente këto që e bëjnë Naim Selmonajn një artist të ngritur dhe që krenon mbarë kombin e tij. /Gazeta Tribuna/