Arrihet konsensusi për Belegun

Mund të quhet zyrtare. Të hënën klubet e ETC Superligës së basketbollit kosovar kanë mbajtur një takim për të arritur një konsensus rreth strukturave të reja udhëheqëse të Federatës së Basketbollit të Kosovës (FBK).

Siç ka njoftuar Gazeta Arena, në takimin e së hënës kanë marrë pjesë përfaqësuesit e të gjitha klubeve të Superligës, përveç Pejës, të gjitha klubeve të Ligës së Parë, përveç Llapit si dhe gjysma e skuadrave të Ligës së Femrave.

E nga e gjithë kjo ‘mbledhi’ u arrit konsensusi që kryetar i ri i FBK-së të jetë Erolld Belegu. Ky i fundit mori pajtimin e të gjithë të pranishmëve, ndërsa pas tij u zgjodhën edhe strukturat e tjera udhëheqëse të federatës.

Risi do të jetë zgjedhja e dy nënkryetarëve, të cilët do të jenë emra të ri dhe energjik, ndërsa në rolin e sekretarit të përgjithshëm do të vihet një ish-basketbollist, emri i të cilit nuk u bë i ditur.

Një burim i gazetës brenda këtij takimi, njofton se përfaqësuesit e të gjitha klubeve ranë dakord se FBK-ja ka nevojë për ndryshime. /Tribuna/Telegrafi/