Argjentina poshtëron Brazilin dhe siguron pjesëmarrjen në Kampionatin Botërorë

Kombëtarja e Argjentinës ka mposhtur rivalin e përbetuar Brazilin në xhiron e 14-të të kualifikimeve të Botërorit të Amerikës së Jugut me rezultat 4:1.

Edhe pse kampionët e botës luajtën pa kapitenin Lionel Messi, kjo nuk ndikoi në paraqitjen e tyre dhe shënuan fitoren e dhjetë në eliminatore.

Argjentina kaloi në epërsi në minutën e 4-të me golin e Julian Alvarez dhe vetëm tetë minuta më vonë Enzo Fernandez u bashkua me golashënuesit duke ngritur epërsinë në 2-0.

Matheus Cunha shkurtoi avantazhin e vendasve në 2:1 në minutën e 26-të, që ishte edhe gjuajtja e vetme e Brazilit në portë në ndeshje dhe në minutën e 37-të Alexis Mac Allister shënoi për 3:1 dhe praktikisht e zgjidhi çështjen e fituesit.

Rezultati përfundimtar ishte 4:1 nga Giuliano Simeone në debutimin e tij për kombëtaren.

Me këtë fitore, Argjentina siguroi një vend në Kupën e Botës dhe tifozët në Buenos Aires dhe qytete të tjera argjentinase tashmë mund të planifikojnë udhëtimin e tyre në Kupën e Botës në SHBA, Meksikë dhe Kanada.

Përveç Argjentinës dhe vendit pritës, Kanadasë, vendin e tyre në Botëror e kanë siguruar edhe Meksika dhe Amerika, Japonia, Zelanda e Re dhe Irani.

Mbrëmë u luajtën edhe katër ndeshje të tjera. Në tre nuk pati fitues (Kili – Ekuador 0:0, Bolivi – Uruguay 0:0 dhe Kolumbi – Paraguaj 2:2), ndërsa Venezuela mposhti në shtëpi Perunë me rezultat 1:0. /Telegrafi/