Ambasada amerikane: Kur përparojnë gratë, përparon vendi

Shqipëria ka shumë shembuj të grave të shquara, gra që kanë ndihmuar për të sjellë ndryshim, dhe duke bërë këtë, kanë kontribuuar në përparimin e vendit, thanë të martën nga Ambasada amerikane në Tiranë.

"Ne jemi të inkurajuar nga puna që po bëjnë në Shqipëri shoqatat jo-qeveritare për të trajtuar cështjet e grave, fuqizimin e grave dhe për tu dhënë atyre një zë, aty ku nuk do ta kishin pasur mundësi ta kishin. Shqipëria ka bërë përparim në fushën e barazisë gjinore, dhe gratë e kanë shquar veten në shumë fusha, në art, arsim, shkencë, gazetari, ligj dhe qeveri. Megjithatë, ka nevojë të bëhet më shumë për të cuar përpara të drejtat e grave në të gjitha fushat e shoqërisë", thuhet në komunikatë.

Ambasada theksoi se Shtetet e Bashkuara janë të angazhuara për fuqizimin e grave jo vetëm sepse është gjëja e duhur por edhe sepse është gjë e mencur. "Kur përparojnë gratë, përparon edhe vendi", thuhet më tej, duke shtuar se gratë bëjnë kudo ndryshimin dhe e ndryshojnë botën për të mirë. /Telegrafi/