Alba Qeramika, sponsore e KB “Peja”

Klubi i Basketbollit Peja, ka nënshkruar kontratë të re me kompaninë Albaqeramika e cila do të jetë sponsore e këtij klubi edhe për vitin 2015-2016.
Marrëveshja përfshin mbështetjen e klubit dhe të lojërave për periudhën 1 tetor 2015 – 1 qershor 2016, në Super ligën e Kosovës në basketboll si dhe në Ligën Ballkanike.

Ceremonia e nënshkrimit të kontratës u mbajt në Pejë, ku të pranishëm ishin përfaqësues dhe lojtarë të Klubit të Basketbollit Peja, si dhe menaxhmentii Albaqeramikës.

“Përkrahja e sportit është shumë e rëndësishme sidomos tani kur klubet tona po bëhen gjithnjë e më të pranishme në arenën ndërkombëtare. Ne besojmë fuqishëm se promovimi i një vendi mund të bëhet më së miri përmes sporteve prandaj edhe përkrahja jonë ndaj këtyre klubeve nuk do të mungojë. Ne të gjithë u gëzohemi sukseseve të kampiones tonë Majlinda Kelmendi, dhe shpresojmë që shumë shpejt të shohim edhe sportistë të tjerë të na sjellin tituj kampionësh, tha me këtë rast Valdet Deçani, partner menaxhues i Albaqeramika.

Ekipi i basketbollit Peja përveç garave në Superligën e Kosovës, merr pjesë edhe në Ligën Ballkanike gjë që e bën përkrahjen ndaj klubit edhe më të rëndësishme.

“Kyështë viti i dytë që kemi përkrahjen e Albaqeramika-s dhe për këtë ne jemi shumë falënderues. Na mbetet ne që me lojëra të mira dhe me suksese të jua shpërblejmë këtë përkrahje. Ne zotohemi se do ti sjellim përkrahësve të klubit tonë dhe gjithë qytetarëve të Pejës një lojë të mirë ku nuk do të mungojnë edhe titujt, tha në këtë ceremoni Art Gashi, Kryetar i Bordit të Klubit të Basketbollit Peja.

Si kompani lidere në industrinë e qeramikës, Albaqeramikaçdo vit mbështet fusha të ndryshme të jetës e sidomos fushën e sportit. Përveç Klubeve të Basketbolit Peja dhe Prishtina, Albaqeramika mbështet edhe kampionen e botës në xhudo, Majlinda Kelmendi, dhe klubit të xhudos “Ippon”.

Përkrahja ndaj klubit “Peja” do të vazhdojë deri vitin tjetër me shpresë që sporti në Kosovë të ecë përpara drejt sukseseve më të mëdha përmes pjesëmarrjeve të ndryshme jashtë vendit. /Telegrafi/