Afganistani fillon lirimin e 400 talebanëve të fundit, shqetësohet SHBA-ja

Qeveria e Afganistanit ka filluar lirimin e 400 të burgosurve të fundit taleban, duke i hapur rrugën bisedimeve të paqes të vonuara për një kohë të gjatë.

Tetëdhjetë të burgosurit e parë u lanë të lirë të enjten, thanë zyrtarët, disa nga krimet e të cilëve përfshijnë sulme ndaj afganëve dhe të huajve, raporton BBC.

Lërimi ishte një kusht për të filluar negociatat në mënyrë që t’i jepet fund 19 viteve të konfliktit në vend. Bisedimet për paqen pritet të fillojnë në Katar brenda ditëve nga lirimi i të gjithë talebanëve.

The Government of the Islamic Republic of Afghanistan yesterday released 80 Taliban convicts out of the 400 that the Consultative Loya Jirga sanctioned for release to speed up efforts for direct talks and a lasting, nationwide ceasefire. pic.twitter.com/wBzTTFvXiF

— NSC Afghanistan (@NSCAfghan) August 14, 2020

Në fundjavë, një asamble e madhe e pleqve afganë miratoi lirimin e 400 të burgosurve talebanë të akuzuar për krime “të rënda” pasi autoritetet fillimisht refuzuan të çlirojnë militantët, transmeton Telegrafi.

Të burgosurit përfshijnë edhe rreth 44 kryengritës, të cilët kanë shqetësuar veçanërisht për Shtetet e Bashkuara dhe vendet e tjera për rolet e tyre në sulme të profilit të lartë.

Negociatat mes SHBA-ve dhe talebanëve kishin rënë dakord që 5.000 të burgosur talebanë të liheshin të lirë para se të fillonin bisedimet me qeverinë afgane. Mijëra u liruan – megjithatë, 400 mbetën në burg. Rreth 150 prej tyre janë gjykuar me vdekje.

Ndryshe, masa vjen pasi SHBA-ja njoftoi se numri i trupave të tij në vend do të binte nën 5.000 deri në muajin nëntor. /Telegrafi/