Afati i fundit për blerjen e Chelseat po vjen drejt fundit

Marrja e pronësisë së re nga Chelsea pritet të arrijë një përfundim të shpejtë, pasi do të ndodh brenda tri javësh gjatë muajit prill.

Katër ofertuesve të mbetur u është dhënë afat deri më 11 prill për të përmirësuar ofertën e tyre për të blerë gjigantët e Ligës Premier.

Sipas London Evening Standard, Raine Group, të cilët janë duke mbikëqyrur blerjen, duan të paraqesin zgjedhjen e tyre të preferuar në Qeverinë e Mbretërisë së Bashkuar që në 18 prill.

Raine Group fillimisht ka planifikuar të paraqesë preferencën e tyre në fund të prillit.

Lexo po ashtu Shitja e Chelsea: 'Ofertuesit e preferuar', Raine Group dhe kur do të dihen pronarët e rinj të Bluve

Dy javët e ardhshme janë jetike për të vendosur se cilët do të jenë pronarët e ardhshëm të klubit londinez.

Kandidatët në listën e ngushtë pritet të konsultohen me anëtarët kryesorë të klubit të Chelsea – duke përfshirë kryetarin Bruce Buck dhe drejtoreshën Marina Granovskaia – për të vlerësuar gjendjen e klubit.

Ata gjithashtu do të parashtrojnë vizionet e tyre për të ardhmen e Bluve.

Sir Martin Broughton, familja Ricketts, Todd Boehly dhe Stephen Pagliuca janë informuar të gjithë për procesin.

Katër kandidatët do të kenë akses të plotë në llogaritë e Chelseat dhe gjithashtu mund të takohen me menaxherin e ekipit të parë Thomas Tuchel.

Lexo po ashtu Roman Abramovich do të zgjedhë vetë pronarin e ardhshëm të Chelseat

Pasi Raine Group të ketë paraqitur një ofertë në Thesarin e Mbretërisë së Bashkuar, atëherë ata do të duhet të kalojnë testin e pronarëve dhe drejtorëve të Ligës Premier.

Ky proces ka zgjatur vetëm 10 ditë në të kaluarën.

Pronari i Chelseat, Roman Abramovich, u vu nën sanksione nga Qeveria e Mbretërisë së Bashkuar pas pushtimit të Rusisë në Ukrainë, duke bërë që klubi të shitet sa më shpejt që është e mundur. /Telegrafi/