Adenozina mund ta shkrijë dhjamin rreth belit

Shkencëtarët e zbuluan një mënyrë të re për ta stimuluar dhjamin e kafenjtë duke e djegur kështu energjinë nga ushqimi: adenozina e trupit e aktivizon yndyrën e kafenjtë dhe e "kafezon" yndyrën e bardhë.

"Jo të gjitha yndyrat janë të barabarta," thotë prof. Alexander Pfeifer nga Instituti për Farmakologji dhe Toksikologji nga Spitali Universitar Bonn. Njerëzit kanë dy lloje të ndryshme të yndyrave: qelizat e padëshirueshme të dhjamit së bardhë të cilat e formojnë dhjamin e mërzitshëm rreth belit, për shembull, si dhe qelizat e yndyrës ngjyrë kafe, të cilat veprojnë si një
ngrohës i dëshirueshëm për ta konvertuar energjinë e tepërt në nxehtësi. "Në qoftë se jemi në gjendje t’i aktivizojmë qelizat e yndyrës ngjyrë kafe ose t’i konvertojmë qelizat e yndyrës së bardhë në ato ngjyrë kafe, mund të jetë e mundur që thjesht ta shkrijmë yndyrën e tepërt " raporton farmakologu.

Grupi i prof. Pfeifer së bashku me një ekip ndërkombëtar nga Suedia, Danimarka, Finlanda, si dhe nga Helmholtz-Center Drezden-Rossendorf dhe Universiteti i Dus-seldorfit tani e kanë zbuluar një molekulë të re sinjalizuese të aftë për t’i aktivizuar qelizat e yndyrës ngjyrë kafe: adenozinën. Adenozina lëshohet në mënyrë tipike gjatë stresit. Për transmetimin e sinjalit të adenozinës i rëndësishëm është receptori i adenozinës A2A.

Adenozina e aktivizon indin dhjamor të kafenjtë
"Nëse adenozina lidhet për këtë receptor në qelizat e dhjamit ngjyrë kafe, djegia e dhjamit stimulohet në mënyrë të konsiderueshme," raporton dr. Thorsten Gnad nga ekipi i prof. Pfeifer.
Rezultatet treguan se minjtë e gjirizit dhe brejtësit tjerë të mëdhenj reagojnë ndryshe nga njerëzit në këtë drejtim. "Yndyra ngjyrë kafe në minj nga ana tjetër sillet ashtu si në njerëz," përmbledh prof. Pfeifer

"Kafezimi" i yndyrës së bardhë përmes adenozinës
Ekipi hulumtoi gjithashtu mundësinë që adenozina t’i transformojë qelizat e dhjamit të bardhë në qeliza të dhjamit ngjyrë kafe – një proces ky i quajtur "kafezim". Qelizat yndyrës së bardhë normalisht nuk mund të detyrohen që ta djegin dhjamin e tepërt nga adenozina, sepse ato thjesht nuk kanë receptor A2A. Për këtë arsye, ekipi i shkencëtarëve e transferoi gjenin e receptorit A2A nga qelizat e yndyrës ngjyrë kafe në qeliza të yndyrës së bardhë në minj. Si pasojë, qelizat e yndyrës së bardhë gjithashtu kanë receptorë A2A dhe fillojnë kafezimin dhe djegien e energjisë.

Aplikimi klinik është ende larg
Si rezultat, ishte e mundur për studiuesit nga Universiteti i Bonnit që ta kuptojnë rëndësinë e adenozinës për qelizat ngjyrë kafe në minj dhe njerëz për herë të parë. "Përmes administrimit të substancave të ngjashme me adenozinën, minjtë në fakt humbën peshë," raporton prof. Pfeifer;
Megjithatë, shumë pikëpyetje në këtë drejtim ende duhet të hulumtohen. Për këtë arsye, aplikimi klinik është ende larg. /Telegrafi/