Forcat speciale të Ukrainës shkatërrojnë katër helikopterë thellë në Rusi, publikohen pamjet

Forcat e operacioneve speciale të Ukrainës raportuan se, në koordinim me inteligjencën e mbrojtjes, forcat raketore dhe njësitë e artilerisë, shkatërruan dy helikopterë Ka-52 dhe dy helikopterë Mi-8 në rajonin Belgorod të Rusisë.

“Si rezultat i operacionit special të kryer së fundmi, helikopterët u shkatërruan nga sulmet me raketa thellë brenda territorit rus, ku rusët kishin krijuar një fushë ajrore”, thuhet në deklaratë.

Bëhet e ditur se në sulm u përdor një raketë e shumëfishtë HIMARS, shkruan skynews, përcjell Telegrafi.

“Edhe një herë armiku besoi se ishte i sigurt në pjesën e pasme të thellë. Ne vërtetuam edhe një herë se asgjë nuk është përtej mundësive të Forcave të Operacioneve Speciale. Ne vazhdojmë të punojmë”, shtuan ata.

Ndryshe, Ka-52 është një helikopter sulmues i përdorur nga rusët për zbulim dhe goditje në caqet tokësore.

Helikopterët e transportit Mi-8 përdoren nga forcat ruse për të transportuar personel dhe mallra dhe për të mbështetur operacionet tokësore. /Telegrafi/