Në UÇK, TMK dhe FSK, por njëkohësisht edhe me futbollin – Gjinovci tregon vështirësitë  

Në podcastin “Arena e Yjeve” që është prodhim i Telegrafit, kemi pasur një mysafir që me rrëfimet e tij ka frymëzuar shumë të rinj.

Hysni Gjinovci ka rrëfyer për kohën se si e kishte lënë futbollin, inkuadrimi në UÇK dhe pjesë e TMK dhe FSK-së dhe vështirësitë që kishte në futboll.

“Vullneti i mund të gjitha, ndoshta pjesa më e vështirë ka qenë pjesa e udhëtimit në Gjilan, sepse duhej të zgjohesha herët, të shkoja në punë dhe neve si sportistë na kishin mundësuar të jemi edhe aktiv”, ka thënë fillimisht Gjinovci.

“Por është një ndjenjë fantastike të jesh edhe ushtar edhe lojtar, ndërsa unë jam që 27 vite pjesë e FSK-së”.

“Ne e kemi një thënie në ushtri, kur eprori thotë: ‘Shumë mirë’, ne themi: ‘I shërbejmë atdheut’…”, ka rrëfyer më tej ish-futbollisti.

Këtë podcast mund ta ndiqni në TV Dukagjini çdo të shtune nga ora 17:10, ndërsa nuk do të ishte i mundur pa përkrahjen e sponsorëve tanë  Patos  ,  KGM Kosova dhe Golden Eagle Energy Drink. /Telegrafi/