Shkelzeni, i eliminuari i radhës nga Big Brother VIP Albania 4

Spektakli i së martës mbrëma solli një tjetër eliminim surprizë në Big Brother VIP Albania 4, ku këtë herë i larguari nga shtëpia ishte Shkelzen Oruçi, stomatologu i njohur që kishte fituar simpatinë e publikut gjatë qëndrimit të tij në garë.

Shkelzeni nuk i mbijetoi një nominimi të fortë, ku të gjithë djemtë e shtëpisë ishin në rrezik, përfshirë edhe Valbonën, e cila automatikisht ishte e nominuar bashkë me Laertin, pasi të dy konsiderohen si një banor i vetëm.

Pavarësisht qëndrimit të tij të qetë dhe strategjisë lojale në shtëpi, Shkelzeni nuk arriti të sigurojë mbështetjen e mjaftueshme të publikut për të vazhduar më tej.

Gjatë qëndrimit të tij në shtëpinë më të famshme në Shqipëri, ai u bë i njohur për karakterin e tij të matur dhe marrëdhëniet korrekte me banorët e tjerë.

Eliminimi i tij ka sjellë reagime të shumta nga fansat, të cilët e kanë vlerësuar për sjelljen dhe qëndrimin e tij në shtëpi, duke e cilësuar si një nga banorët më pozitivë të këtij sezoni.

Megjithatë, rruga e tij në BBVA 4 ka përfunduar, ndërsa gara për çmimin e madh vazhdon me surpriza të tjera në vazhdim. /Telegrafi/