Vuçiq tha se polici me rroba civile u sulmua nga studentët, pamjet tregojnë të kundërtën – ai u godit nga xhandarmeria

Në rrjetet sociale janë shfaqur video ku shihet qartë polici me rroba civile, Lazar Baqiq, i cili lëndohet në sy gjatë një proteste para RTS-së, goditet nga një pjesëtar i xhandarmërisë.

Pamjet e postuara në faqen e rrjetit social X tregojnë një xhandar me veshje kundër trazirave duke goditur me grusht në fytyrë një burrë me rroba civile që qëndron në një gardh në Aberdare, përpara se të humbë ekuilibrin dhe të bjerë në tokë.

Nga rrobat që ka të veshura polici, si dhe nga regjistrimet dhe fotografitë e tjera, është konstatuar se bëhet fjalë për policin e lënduar Lazar Baqiq.

Më parë është shfaqur një video tjetër ku shihet një punonjës policie me rroba civile, para fillimit të ndërhyrjes së xhandarmërisë, transmeton Telegrafi.

Ma ko je to udario policajca? Policajac! pic.twitter.com/rTgpI9Lp9M

— Procvetarka (@dotswo) March 11, 2025

Siç shihet në video, kordoni policor që po lëvizte drejt hyrjes së RTS-së në rrugën Aberdareva, derisa rojet e sigurisë ndërtonin një mur të gjallë para hyrjes, një polic me rroba civile lëviz përgjatë murit, ndalon dhe më pas “hyn” në kolonën e policëve me uniformë që po lëvizin me shpejtësi, dhe pikërisht atëherë, siç duket, u godit.

Vetëm pak sekonda më vonë, ai shihet duke u larguar nga ai vend duke shkuar në drejtim të kundërt, me një sy të lënduar.

snimak na kojem se jasno vidi da su pripadnici policije udarili svog kolegu u civilu lazara baćića i povredili mu oko pic.twitter.com/rVELYB6ADP

— Mila Kupovina (@theonlyone_mile) March 11, 2025

Në videon e postuar shihet sesi studenti i shkon pas policit të lënduar dhe i thotë “zotëri të ndihmojë”, e më parë një qytetar thotë “është mirë, a ke nevojë për ndihmë”.

Pavarësisht se nga pamjet duket fare qartë se është lënduar  polici Baçiq, presidenti serb Aleksandar Vuçiq ka nxituar të njoftojë se pas sulmit qëndronin “plenumet bolshevike para godinës së RTS”.

Vuçiq ka publikuar një fotografi me Baçiqin, duke pretenduar se ky pjesëtar i MPB-së është “goditur me boks”.

Policajca u civilu Lazara Baćića su povredili policajci. Snimak od @hazarder2575 pic.twitter.com/uuUoqbZkeM

— Dušan (@Czechyoself624) March 11, 2025

“Gjatë mbërritjes me detyrë dhe hyrjes në objektin e RTS-së, xhandarmëria është penguar dhe sulmuar dhe me atë rast është lënduar një pjesëtar i xhandarmërisë dhe për shkak të lëndimit në sy është transportuar në Qendrën Emergjente. Pas hyrjes së xhandarmërisë në objektin e RTS-së nuk ka pasur asnjë konflikt apo ndërhyrje”, njoftoi MPB e Serbisë. /Telegrafi/