SHBA nuk do të marrë pjesë në stërvitjet e ardhshme ushtarake në Evropë?

Sipas raporteve, SHBA u ka thënë aleatëve të saj se nuk planifikojnë të marrin pjesë në stërvitjet ushtarake në Evropë.

Bëhet e ditur se lëvizja do ta bënte Amerikën të tërhiqej nga stërvitjet përtej atyre të planifikuara tashmë për këtë vit.

Kjo do të thotë se vendet e NATO-s do të detyrohen të planifikojnë stërvitje pa pjesëmarrjen e ushtrisë amerikane, më e madhja në aleancë.

Bëhet e ditur se Trump ka kritikuar në mënyrë të përsëritur vendet e NATO-s për mos përmbushjen e objektivit aktual për të shpenzuar 2% të GDP-së në mbrojtje, duke argumentuar se pabarazia i vë një barrë të padrejtë SHBA-së.

Të premten, ai paralajmëroi se SHBA mund të mos mbrojë aleatët e NATO-s që nuk përmbushin objektivin e shpenzimeve si pjesë e një tronditjeje të madhe të aleancës, shkruan the Telegraph, përcjell Telegrafi.

Është raportuar gjithashtu se administrata Trump po rishikon angazhimin e NATO-s në një mënyrë që favorizon vendet anëtare me shpenzime më të larta të mbrojtjes.

Presidenti thuhet se po konsideron t’i japë përparësi stërvitjeve ushtarake me vendet anëtare që po shpenzojnë përqindjen e caktuar të GDP-së për mbrojtjen e tyre.

Ndërsa së fundmi u raportua se presidenti amerikan po konsideron gjithashtu tërheqjen e trupave amerikane nga Gjermania dhe ridislokimin e tyre në Evropën Lindore.

Mësohet se ai po peshon tërheqjen e rreth 35,000 personelit aktiv dhe transferimin e tyre në Hungari.

Ndryshe, bisedimet e nivelit të lartë në Arabinë Saudite do të fillojnë javën e ardhshme mes amerikanëve dhe ukrainasve.

Volodymyr Zelensky ka thënë se Ukraina është “plotësisht e përkushtuar ndaj dialogut konstruktiv” me SHBA-në. /Telegrafi/