KESCO: Paguani faturat e rrymës vetëm në kanalet e autorizuara dhe zyrtare, disa mesazhe që po qarkullojnë nuk janë nga ne

KESCO ka bërë të ditur se ditëve të fundit është duke qarkulluar një SMS SCAM me këtë përmbajtje: “NJOFTIM URGJENT PËR PAGESË.

KESCO në një komunikatë për media sqaron se kjo nuk është nga ta.

“Pagesa juaj e energjisë elektrike është ME VONESE! Sipas rregulloreve të Kosovës, nëse nuk paguhet brenda 24 ORËVE:

Aplikohet penalitet 18%

Energjia elektrike do të shkëputet

Kërkohet rilidhje personale

Paguani tani: https://fatura-kesco-energy.life/kos?|21ZcxRWqowkxG2=i23ezbOvZ

Pa regjistrim – thjesht futni ID-në dhe të dhënat e pagesës”

KESCO sqaron se nuk ka të bëj asgjë me këtë dhe se nuk ka dërguar një SMS të tillë, prandaj kërkojmë nga konsumatorët të kenë kujdes të shtuar të mos bien pre e këtyre mashtrimeve”, thuhet në njoftim .

Kompania KESCO thekson tutje se pagesat duhet të kryhen vetëm përmes kanaleve zyrtare të KESCO, si aplikacioni eKesco, arkat nëpër qendrat tona, platforma eKosova, si dhe bankat e institucionet mikrofinanciare.

“KESCO do të ndërmarrë të gjitha masat ligjore lidhur me këtë çështje. Për çdo informacion të mëtejshëm, ju lutemi kontaktoni këshilltarët tanë nga shërbimi për konsumatorë nëpërmjet kanaleve zyrtare të KESCO, si dhe lajmërojeni në Policinë e Kosovës”, thuhet në njoftim. /Telegrafi/