Zbulohet se Gene Hackman ndërpreu çdo kontakt me familjen para vdekjes së tij

Hetimi për vdekjen misterioze të aktorit fitues të Oscar-it, Gene Hackman, (95 vjeçar) dhe gruas së tij Betsy Arakawa, (63 vjeçe) po hyn në fazën e dytë.

Detaje të reja për shëndetin dhe ndryshimet në jetesë gjatë muajit të fundit të jetës së çiftit zbulojnë shumë aspekte të panjohura.

Edhe pse fillimisht dyshohej se shkaku i vdekjes së tyre mund të ishte helmimi nga monoksidi i karbonit, sherifi i Santa Fe njoftoi të premten se nuk ishte kështu.

Hackman dhe Arakawa, të cilët u gjetën në dhoma të veçanta të shtëpisë së tyre, nuk kishin shenja dhune. Është interesante se regjistrimi i fundit nga stimuluesi kardiak i Hackman daton më 17 shkurt, duke sugjeruar se ai kishte vdekur për të paktën shtatë ditë përpara se të gjendeshin eshtrat e tij.

Edhe pse teori të ndryshme janë shfaqur në publik, Sherifi i Qarkut Santa Fe, Adan Mendoza, përsëriti se ai nuk beson se ndonjë ‘lojë e keqe’ ishte shkaku i vdekjes së çiftit, i cili kaloi më shumë se 30 vjet së bashku në shtëpinë e tyre në Old Sunset Trail Road.

Megjithatë, gjetjet e fundit nga hetimi zbulojnë shumë detaje rreth zakoneve të jetesës dhe shëndetit të tyre, të cilat kohët e fundit janë ndikuar shumë nga mosha dhe gjendja fizike e Hackman.

Pretendimet për përkeqësimin e shëndetit të Gene Hackman kundërshtojnë atë që një nga vajzat e tij deklaroi pasi u gjet trupi i tij i pajetë.

Lexo po ashtu Të gjitha lajmet nga Gene Hackman

Leslie Ann Hackman, e cila më parë ishte e martuar me Faye Maltese, tha se nuk kishte “asnjë indikacion për ndonjë problem shëndetësor” para vdekjes së tij.

Leslie Ann zbuloi gjithashtu se nuk kishte kontakte me të atin për disa muaj, një periudhë që përkoi me kohën kur Arakawa nuk foli me nënën e saj 91-vjeçare, Yoshie Feaster.

“Betsy nuk e ka telefonuar nënën e saj për disa muaj. Zakonisht telefonon çdo muaj ose dy. Hera e fundit që e ka telefonuar ka qenë në tetor të vitit të kaluar. Po pyesnim se çfarë kishte ndodhur”, tha punonësja e shtëpisë për Daily Mail.

Sherifi Mendoza theksoi më parë se hetuesit po punojnë ende për të sqaruar se çfarë ka ndodhur saktësisht gjatë muajve të fundit të çiftit. Një kalendar i gjetur në shtëpinë e tyre përmendet si një nga sendet e sekuestruara gjatë hetimeve. /Telegrafi/