A paguhen aktoret për të veshur fustane të stilistëve në Oscars? E vërteta mund t’ju habisë

Të famshmit shpesh i bëjnë paraqitjet e tyre në tapetin e kuq të duken të këndshme dhe perfekte, pasi pozojnë për fotografët me buzëqeshjen e tyre të natyrshme, flokë të krehur mirë dhe veshje të bukura që i përshtaten çdo centimetër të trupit të tyre

Por ka shumë punë pas kamerave – dhe marrëveshje sekrete me stilistë – për t’i bërë aktorët të duken të përsosur në natën e Oscars.

Përveç kësaj, tapeti i kuq është mundësia më e madhe për stilistët që të reklamojnë krijimet e tyre, por duket se është edhe për artistët që të rrisin të ardhurat e tyre. Disa muaj përpara ceremonisë së ndarjes së çmimeve, një ekip parukierësh, stilistësh dhe grimierësh punojnë së bashku për të krijuar pamjet ikonike që shohim.

Prandaj, stilistët përgjegjës duhet të dinë se cilat fustane do të veshin të gjitha aktoret për të shmangur krijimet e njëjta. Në të njëjtën kohë kanë edhe një veshje rezervë në rast emergjence.

View this post on Instagram

A post shared by Nick Verreos (@nickverreos)

Duhet theksuar se aktoret nuk paguajnë për fustanet e tyre, pasi marka si Dior, Versace apo Armani janë të gatshëm jo vetëm t’i ofrojnë pa asnjë kosto, por shumë herë t’i paguajnë vetë.

“Kjo mbizotëron në të gjitha fushat. Ata që merren me bizhuteri paguajnë, ata që merren me këpucë paguajnë, kompanitë në përgjithësi paguajnë”, tha stilistja Jessica Paster, e cila ka punuar me emra si Miranda Kerr, Emily Blunt dhe Sandra Bullock, disa vite më parë në Festivalin Vulture.

“Kur flasim për veshjet ne i paguajmë ato nga 100,000 dollarë në 250,000 dollarë,” shtoi ajo.

 pic.twitter.com/rHz8Qsu50Y

— Wicked Updates 🧹 (@wicked_updates) February 26, 2025

Loja e tapetit të kuq për meshkujt është aktivizuar gjithashtu vitet e fundit, pasi shtëpitë e modës si Prada, Dior, Gucci dhe Saint Laurent paguajnë yjet meshkuj të momentit për t’i veshur ata nga koka deri te këmbët në premiera, festivale filmi, Met Gala dhe Oscatsndhe më e rëndësishmja nga të gjitha, ceremonitë e çmimeve që zhvillohen midis janarit dhe marsit.

Në agjencitë kryesore të talenteve tani është normë gjetja e një përfaqësuesi të brendshëm, përgjegjësia e vetme e të cilit është të ndërmjetësojë marrëveshjet e fushatës dhe kontratat e tapetit të kuq me shtëpitë kryesore të modës, orëve dhe bizhuterive.

Gjithashtu, shuma më e lartë ndonjëherë që është paguar një aktor mashkull është 250,000 dollarë për një paraqitje të vetme në tapetin e kuq. /Telegrafi/