Trump do t’i nënshtrohet një kontrolli mjekësor rutinë

Presidenti amerikan, Donald Trump do t’i nënshtrohet testeve rutinë mjekësore muajin e ardhshëm, ka njoftuar mjeku i tij.

“Presidenti Donald Trump do të përfundojë testin e tij rutinë mjekësorë muajin e ardhshëm në Qendrën Mjekësore Ushtarake Kombëtare Walter Reed”, tha në një deklaratë mjeku i presidentit Dr. Sean Barbabella.

Barbabella tha se data e provimit “do të publikohet në javët e ardhshme”.

Në moshën 78-vjeçare, bëhet e ditur se Trump është ndër presidentët më të vjetër të Amerikës, i dyti vetëm pas ish-presidentit Joe Biden, për të cilin mosha dhe shëndeti u bënë një çështje kryesore për votuesit, shkruan CNN, përcjell Telegrafi.

Trump do të ishte presidenti më i vjetër në histori në përfundim të mandatit të tij të dytë.

Pas testeve të para të Trump, Dr. Sanjay Gupta raportoi se presidenti ka një formë të zakonshme të sëmundjes së zemrës.

Mjeku i Trumpit në atë kohë rekomandoi një rritje të dozës së ilaçeve të tij për uljen e kolesterolit dhe disa ndryshime në stilin e jetës, si një dietë të shëndetshme dhe ushtrime.

“Gjithmonë duhet të flasësh për shëndetin. Dukesh sikur je me shëndet të mirë, por nesër, merr një letër nga një mjek që thotë eja të më vizitosh përsëri. Nuk është mirë kur mjekët e përdorin fjalën përsëri”, tha Trump. /Telegrafi/