Publikohen fotografitë e vjetra të Egli Takos – sa ka ndryshuar banorja e BBVA 4 ndër vite?

Egli Tako është një nga emrat më të komentuar në mediat rozë, sidomos që pas pjesëmarrjes së saj në edicionin e fundit të Big Brother VIP Albania.

Pjesëmarrja në këtë reality show i ka dhënë një vëmendje të madhe publike, duke bërë që çdo detaj nga e kaluara e saj të analizohet nga ndjekësit dhe mediat.

Së fundmi, në rrjetet sociale kanë qarkulluar disa fotografi të Eglit nga dhjetë vite më parë, ku ajo duket mjaft ndryshe nga imazhi i saj aktual.

Shumë prej fansave e kanë rikujtuar pjesëmarrjen e saj në spektaklin e talenteve “X Factor Albania”, ku ajo garonte si një këngëtare e re me ëndrra për të depërtuar në muzikë.

Në krahasim me pamjen e saj të tanishme në BBVA, ndryshimi është i dukshëm. Ndërsa disa ndjekës e komentojnë këtë transformim si rezultat të ndryshimeve estetike, të tjerë besojnë se është thjesht një evolucion natyral i pamjes për shkak të viteve dhe stilit të jetesës.

Pavarësisht spekulimeve, ajo vazhdon të jetë një nga personazhet më të diskutuar të momentit, me një bazë të madhe fansash që e mbështesin gjatë rrugëtimit të saj në Big Brother VIP Albania. /Telegrafi/