“10/10” – talenti premtues, Lisi lanson projektin më të ri muzikor

Artisti i talentuar Lisi ka surprizuar fansat e tij me një projekt të ri muzikor, vetëm disa javë pas publikimit të këngës së tij të fundit, “Modela”.

I njohur për stilin e tij unik dhe energjik në muzikë, ai kësaj here vjen me një këngë të titulluar “10/10”, e cila premton të jetë një tjetër sukses në repertorin e tij.

Kjo këngë, që shquhet për ritmin e saj të veçantë dhe tekstin me mesazhe të fuqishme, është realizuar në dy gjuhë – shqip dhe gjermanisht – duke i dhënë një tjetër dimension ndërkombëtar muzikës së tij.

Ky detaj e bën “10/10” një projekt më të veçantë, pasi i mundëson Lisit të arrijë një audiencë më të gjerë, duke e shtrirë ndikimin e tij përtej kufijve shqiptarë.

Në këtë projekt, kompozimi dhe beati janë punuar nga Qelik Lipa, ndërkohë, teksti është shkruar nga vetë Lisi, duke reflektuar stilin dhe autenticitetin e tij artistik.

Që në momentet e para të publikimit, “10/10” ka marrë vëmendjen e ndjekësve në platformën YouTube, ku mori komente të shumta pozitive. /Telegrafi/