Si ndikon agjërimi në shëndetin e njeriut?

Muaji i Ramazanit është një periudhë e veçantë dhe e shenjtë për besimtarët myslimanë, e cila shënon një kohë reflektimi.

Gjatë këtij muaji, myslimanët agjërojnë nga agimi deri në perëndim të diellit. Ky muaj gjithashtu është një mundësi për të përforcuar vetëdisiplinën e për të praktikuar durimin.

Por jo vetëm në aspektin emocional, agjërimi mund të ketë edhe ndikime pozitive në shëndetin dhe mirëqenien tuaj; por cilat janë ato dobi shëndetësore? Më poshtë kemi listuar disa prej tyre.

Rregullon kolesterolin e keq

Shumë njerëz synojnë të humbin pak peshë duke agjëruar. Megjithatë, një studim i fundit zbuloi se agjërimi ndikon në ‘profilin e lipideve’ (sasinë e kolesterolit). Kështu, kjo ndikon në uljen e kolesterolit në gjak, i cili mund të mbajë larg sulmet në zemër, goditjet në tru dhe sëmundje të tjera.

Zvogëlon oreksin

Respektimi i Ramazanit dhe agjërimi i jep stilit të jetesës dhe sistemit tuaj të tretjes një kthesë pozitive. Ndërsa trupi juaj mësohet të hajë më pak, sistemi juaj tretës ka një shans për të pushuar dhe stomaku juaj gradualisht zvogëlohet në madhësi. Kjo zvogëlon oreksin tuaj dhe rezultatet mund të zgjasin më shumë se shumë dieta në trend.

Pastrohet organizmi i juaj

Agjërimi jo vetëm që përdor rezervat tuaja të yndyrës, por gjithashtu pastron trupin tuaj nga toksinat e dëmshme që mund të jenë të pranishme në depozitat e yndyrës. Me sistemin e tretjes në një rregullim njëmujor, trupi juaj detoksifikohet natyrshëm, duke ju dhënë mundësinë për të vazhduar një mënyrë jetese më të shëndetshme përtej Ramazanit.

Rrit disponimin dhe ndikon tek qartësia mendore

Agjërimi mund të jetë një metodë për të ‘rimbushur’ trurin, duke nxitur rritjen dhe zhvillimin e qelizave të reja të trurit, duke mprehur përgjigjet ndaj informacionit në botën përreth nesh.

Studimet tregojnë gjithashtu se agjërimi gjithashtu mund ta bëjë trurin më elastik ndaj stresit, më të adaptueshëm ndaj ndryshimeve dhe mund të përmirësojë gjendjen shpirtërore, kujtesën dhe madje edhe kapacitetin e të mësuarit.