LAJMI I FUNDIT:
Ferizaj -4° clearsky_night

Hani i Elezit detyrohet të paguajë mbi 300 mijë euro për kontratën kolektive

Hani i Elezit detyrohet të paguajë mbi 300 mijë euro për kontratën kolektive

Komuna e Hanit të Elezit që nga fillimi i vitit të kaluar kishte planifikuar rreth 550 mijë euro për investime kapitale në infrastrukturë dhe në fusha të tjera, mirëpo deri më tash nuk ka arritur t’i përmbush objektivat shkaku i kontratës kolektive të arsimit e cila po zbatohet nëpërmjet përmbaruesve.

Problemi i kësaj kontrate prej vitesh ka mbetur çështje e pazgjidhur në mes të komunave të Kosovës dhe nivelit qendror, andaj deri më tash komuna e Hanit të Elezit është detyruar t’i paguajë rreth 300 mijë euro për këtë kontratë të mësimdhënësve pasi që atyre iu takojnë shujtat, pagesat e udhëtimit e të tjera.

Mehmet Ballazhi, kryetar i komunës së Hanit të Elezit, ka thënë për Telegrafin, se përmbaruesi nëpërmjet thesarit të shtetit po i merr paratë pa e pyetur fare komunën për ta zbatuar kontratën kolektive.


“Projektet që kemi pasur me i realizuar që nga fillimi i vitit të kaluar e deri më tash, na ka penguar në masë të madhe kontrata kolektive. Përmbaruesi nuk pyet se ku duhet të merren paratë për këtë kontratë të arsimit, andaj në shumicën e rasteve ato po merren te projektet kapitale. Pra 550 mijë euro kanë qenë të planifikuara për projekte kapitale, ndërkaq deri tash rreth 300 mijë prej tyre i ka marrë përmbaruesi, për shujta, udhëtime e të tjera”, ka thënë Ballazhi.

Ballazhi, shpjegon se kanë kërkuar disa herë nga niveli qendror të bëhet rimbursimi për të gjitha komunat për ta zgjidhur problemin e kontratave kolektive, por deri më tash nuk ka asgjë konkrete, ndërkaq barra po vazhdon t’i bie komunave.

“Rimbursimi për kontratat kolektive nuk po ndodh, ndoshta për shkak se qeveria e nivelit qendror nuk ka qeverisur me të gjitha komunat, prandaj kjo ka qenë edhe pengesë mjaftë e madhe, sidomos për neve si komunë e vogël dhe që kemi shumë nevojë për realizim të projekteve kapitale”, ka thënë Ballazhi. /Telegrafi/

Në trend

Më shumë
KQZ njofton se javën e ardhshme fillon numërimi i votave me kusht dhe atyre nga diaspora

KQZ njofton se javën e ardhshme fillon numërimi i votave me kusht dhe atyre nga diaspora

Lajme

"Nuk është aq i rëndësishëm sa për të qenë pjesë e takimeve", Trump vazhdon ta godasë Zelenskyn

Botë
Bie numri i përfituesve të ndihmës sociale në Kosovë, shtohen pensionistët e moshës

Bie numri i përfituesve të ndihmës sociale në Kosovë, shtohen pensionistët e moshës

Sociale
Gjykimi ndaj Rrahim e Ilir Abdullahut, babai i Triumf Rizës: 'Këta kanë qenë personat kyç të bandës kriminele të Sekiraqës’

Gjykimi ndaj Rrahim e Ilir Abdullahut, babai i Triumf Rizës: 'Këta kanë qenë personat kyç të bandës kriminele të Sekiraqës’

Drejtësi
Mikel Arteta reagon pasi Arsenali mësoi kundërshtarin në Ligën e Kampionëve

Mikel Arteta reagon pasi Arsenali mësoi kundërshtarin në Ligën e Kampionëve

Liga e Kampionëve
Deco ka gati shitjen e radhës te Barcelona për ta realizuar një top transferim

Deco ka gati shitjen e radhës te Barcelona për ta realizuar një top transferim

La Liga
Kalo në kategori