“Djalli i Detit” shfaqet në ujërat spanjolle

Shkencëtarët kapin “Djallin e Detit” gjatë ditës për herë të parë pranë bregut të Tenerife, Spanjë.

Një ngjarje e jashtëzakonshme ka ndodhur në ujërat e bregut të Tenerife, ku, për herë të parë, është filmuar një peshk i thellësisë i njohur si “Djalli i Detit” (Anglerfish) gjatë ditës.

Ky fenomen ka tërhequr vëmendjen e shkencëtarëve dhe të ekspertëve të mjedisit, pasi ky lloj peshku është zakonisht i njohur për mënyrën e jetesës në errësirën e thellë të oqeanit, shumë larg sipërfaqes, ku drita e diellit nuk arrin, shkruajnë mediat.

Scientists capture Sea Devil in daylight for the first time off the coast of Tenerife

The environmental organization Condrik Tenerife has reported that, for the first time, a deep-sea anglerfish, known as the “sea devil”, has been filmed in daylight near the coast of Tenerife.… pic.twitter.com/3SGC1OTvOd

— NEXTA (@nexta_tv) February 8, 2025

Organizata mjedisore Condrik Tenerife ka raportuar këtë ngjarje të pazakontë, duke theksuar se filmimi është bërë në një zonë të caktuar pranë bregut të ishullit të Tenerife, në Arkipelagun Kanarie.

Ky është një moment i rëndësishëm, pasi peshqit si “Djalli i Detit”, që jetojnë në thellësitë e oqeanit, janë të vështirë për t’u parë në kushte normale. Kjo shfaqje e papritur mund të tregojë diçka të pazakontë që ka ndodhur në ekosistemin detar.

Arsyet për shfaqjen e tij në sipërfaqe mbeten ende të paqarta. Shkencëtarët janë duke hetuar mundësitë e ndryshimeve në jetën detare që mund të kenë çuar në këtë fenomen.

Ekspertët sugjerojnë se mund të lidhen me probleme shëndetësore të peshkut, sëmundje të mundshme që ndodhin në këtë lloj specieje, ose ndryshime të papritura në kushtet e oqeanit, si temperaturat e ujit, ndryshimet në kimikatet e ujit ose ndotja. Gjithashtu, faktorë të tjerë mjedisorë, si ndotja e ujërave ose ndryshimet klimatike, mund të kenë një ndikim të rëndësishëm në sjelljen e këtyre krijesave të detit. /Telegrafi/