LAJMI I FUNDIT:

Plani për vrasje në Pejë, Sylejmani i rreptë: Policët të shkojnë edhe në klube të natës

Plani për vrasje në Pejë, Sylejmani i rreptë: Policët të shkojnë edhe në klube të natës

Koloneli në pension i Policisë së Kosovës, Rrahman Sylejmani, ka folur për incidentet e armatosura që po ndodhin në Kosovë, veçanërisht në rrugë dhe në klubet e natës.

Sylejmani theksoi se aktivitetet e Policisë në aspektin e parandalimit të krimit nuk janë të mjaftueshme dhe ai tha se incidente të tilla ndodhin çdo ditë në të gjithë Kosovën.

“Disa aktivitete domosdoshme do të duhet t’i ndërmerr Policia e Kosovës për me pasë situatën në kontroll dhe për me ardhë deri te parandalimi i shumë incidenteve, ndryshe sikurse që ka qenë rasti edhe në Pejë, po edhe rastet e tjera të tjera dhe akteve të krimeve të rënda të vrasjeve, tentim vrasjeve dhe grabitjeve tjera tjera”, ka deklaruar ish-hetuesi policor.


Ai vuri në dukje se veprimet e Policisë nuk janë adekuate për të parandaluar krimet, veçanërisht pasi që fokusi i tyre është më shumë në luftimin e krimit pasi ai ndodh, sesa në parandalimin e tij.

Sylejmani propozoi disa masa që Policia e Kosovës duhet të ndërmarrë për të përmirësuar situatën.

Në radhë të parë, ai sugjeroi rritjen e pranisë policore në zonat publike përmes patrullimeve më të shpeshta dhe prezencës së dukshme të forcave të rendit në vendet me frekuentim të lartë, si kafiteritë, klubet e natës dhe sheshet publike.

“Prania e dukshme e policisë në vendet e frekuentuara si kafiteritë dhe klubet e natës do të dekurajonte aktivitetet kriminale. Gjithashtu, monitorimi i personave me precedentë penalë dhe kontrollet e shpeshta për gjetjen dhe konfiskimin e armëve të paligjshme janë të domosdoshme”, theksoi Sylejmani në Tv Dukagjini.

Po planifikonin vrasjen e një personi, arrestohen katër të dyshuar në Pejë dhe Prishtinë
Lexo po ashtu Po planifikonin vrasjen e një personi, arrestohen katër të dyshuar në Pejë dhe Prishtinë

Një masë tjetër që Sylejmani e konsideroi të rëndësishme është përdorimi i teknologjisë për monitorim dhe mbikëqyrje.

Ai theksoi rëndësinë e instalimit të kamerave të sigurisë në bashkëpunim me bizneset lokale dhe përdorimin e sistemeve të avancuara të mbikëqyrjes, veçanërisht për individët me të kaluar penale. Ai gjithashtu sugjeroi përdorimin e hallkave elektronike për monitorimin e personave të tillë.

Sylejmani theksoi edhe rëndësinë e kontrollit më të rreptë të armëve të paligjshme, duke thënë se një numër i madh i armëve vazhdon të jetë në duart e njerëzve që mund t’i përdorin ato për qëllime kriminale.

Ai sugjeroi që kontrollet të bëhen më të shpeshta, sidomos në vendet kyçe dhe udhëkryqet.

Përveç kësaj, Sylejmani vuri në dukje rëndësinë e bashkëpunimit me komunitetin dhe rolin e policisë së lagjes në parandalimin e krimit.

“Përmes Policisë së Kryeqytetit dhe rritjes së kapaciteteve të sigurisë, pres që të ketë një përmirësim të ndjeshëm në parandalimin e krimeve,” shtoi ai.

Sylejmani beson se këto masa, së bashku me krijimin e Policisë së Kryeqytetit në Prishtinë, do të ndihmojnë në përmirësimin e sigurisë dhe parandalimin e krimeve në Kosovë./Telegrafi/

Në trend Lajme

Më shumë
Bashkatdhetarët votuan me disa fletëvotime të zgjedhjeve të 2021-ës

Bashkatdhetarët votuan me disa fletëvotime të zgjedhjeve të 2021-ës

Lajme
LDK mund t’i marr një mandat PDK-së, e LVV afër 49 – Cakolli del me projeksion të ri nga numërimi i mbi 30% të votave me postë

LDK mund t’i marr një mandat PDK-së, e LVV afër 49 – Cakolli del me projeksion të ri nga numërimi i mbi 30% të votave me postë

Lajme
Numërohen gjysma e votave të ardhura me postë, LVV e para në 8 komuna, pasojnë LDK dhe PDK

Numërohen gjysma e votave të ardhura me postë, LVV e para në 8 komuna, pasojnë LDK dhe PDK

Politikë
Serbja e dyshuar për spiunazh është punonjëse e OSBE-së, reagon organizata

Serbja e dyshuar për spiunazh është punonjëse e OSBE-së, reagon organizata

Lajme
Si shkak i shembjeve të mëparshme, minierën e Artanës e “merr” uji

Si shkak i shembjeve të mëparshme, minierën e Artanës e “merr” uji

Lajme
Ish-kryetari i Graçanicës: 750 serbë nga Kosova do të përdoren për të mbrojtur Vuçiqin dhe destabilizuar protestat në Serbi

Ish-kryetari i Graçanicës: 750 serbë nga Kosova do të përdoren për të mbrojtur Vuçiqin dhe destabilizuar protestat në Serbi

Lajme
Kalo në kategori