Torturimi dhe vrasja e dy të rinjve në 1997, dënohet me 25 vite burg Byniamin Hajro

Byniamin Hajro, i njohur gjithashtu si Bujo Çami, ish-kreu i bandës së Vakëfit, i akuzuar për vrasjen e dy të rinjve, Arjan Avdullaj dhe Edmond Pema u dënua këtë të martë nga Gjykata e Beratit me 25 vite burgim.

Prokurori i çështjes, Eni Çulli, kishte kërkuar për Hajron një dënim prej 25 vitesh burgim, një masë që u la në fuqi edhe nga trupi gjykues i kryesuar nga Ardiola Cela.

Ai akuzohej për ngjarjen e 3 qershor 1997, kur bashkë me persona të tjerë kanë rrëmbyer dy të rinjt dhe i kanë dërguar në një garazh, ku i kanë torturuar me mjete të forta dhe armë zjarri, për t’i djegur më pas të gjallë.

Sipas hetimeve, Hajro, pas torturimit të dy të rinjve, i lidhi ata me tel me gjemba dhe i vuri flakën, duke i djegur në mes të lagjes, një akt i cili tronditi opinionin publik dhe që mbeti një nga ngjarjet më të rënda të asaj periudhe.

Ngjarja ka ndodhur më 3 qershor 1997, kur Hajro dhe bashkëpunëtorët e tij kanë rrëmbyer viktimat dhe i kanë dërguar në një garazh, ku i kanë torturuar me mjete të forta dhe armë zjarri, për t’i djegur më pas të gjallë.

Viktimat kanë humbur jetën si pasojë e torturave të tmerrshme. Më pas trupat e tyre janë transportuar dhe janë hedhur në qytetin e Beratit.