Kryeministri sllovak, Fico: Do t’ia jepja tre shpulla adoleshentit që refuzoi t’i jepte dorën presidentit

Kryeministri sllovak, Robert Fico, ka kritikuar ashpër një adoleshent që refuzoi t’i jepte dorën presidentit të vendit, duke e quajtur atë “një adoleshent të papjekur që mbante flamurin ukrainas në rrobat e tij”.

Fico propozoi masa drastike, duke thënë se “dikush këtu ka nevojë për tre shpulla. Do të filloja me mediat anti-shtetërore”.

Duke ndarë perspektivën e tij personale, Fico deklaroi se “nëse ankohesha në shtëpi se mësuesi më kishte tërhequr për flokësh, nëna ime do të më jepte edhe dy shpulla të tjera. Mësuesit gjithmonë respektoheshin, dhe e vërteta ishte në anën e tyre”.

Slovak PM Fico suggests slapping teenager who refused to shake hands with president

Slovak Prime Minister Robert Fico harshly criticized a teenager who refused to shake hands with the country’s president, calling him an “immature teenager wearing a Ukrainian flag on his… pic.twitter.com/0PvwyJL9w8

— NEXTA (@nexta_tv) January 15, 2025

Kryeministri shtoi gjithashtu se, nëse do të kishte qenë në vendin e presidentit, ai do t’i kishte “hequr studentit çmimin dhe do ta dërgonte aty ku i takon, pikërisht përpara të gjitha mediave”.

Ai e quajti përgjigjen respektuese të presidentit ndaj adoleshentit “një gabim”.

Ndryshe, Fico është aleat i ngushtë i presidentit rus, Vladimir Putin, i cili ka nisur pushtimin e shtetit ukrainas më 24 shkurt të vitit 2022. /Telegrafi/