A do të jenë në gjendje përdoruesit e TikTok-ut ta përdorin aplikacionin pas një ndalimi të mundshëm?

TikTok bëri një përpjekje të fundit në Gjykatën Supreme që synonte të ndalonte bllokimin e aplikacionit që do të hynte në fuqi brenda disa ditësh – por argumentet e platformës mund të kenë ‘dështuar’.

Shumica e gjyqtarëve dukeshin të prirur të mbështesin një ligj federal që do të ndalonte kompaninë nëse nuk largohej nga kompania mëma me bazë në Kinë Bytedance.

Bëhet e ditur se TikTok ka kundërshtuar ligjin mbi bazat e Amendamentit të Parë, duke pretenduar se një ndalim do të kufizonte të drejtat e shprehjes së lirë në një platformë të përdorur nga një në çdo dy amerikanë.

Nëse sfida gjyqësore dështon dhe TikTok heq dorë nga një shitje, ndalimi do të hyjë në fuqi më 19 janar, një ditë përpara inaugurimit të presidentit të zgjedhur Donald Trump.

Sipas ekspertëve, masa nuk do të penalizojë individët për aksesin ose përdorimin e aplikacionit, edhe pasi ndalimi të zbatohet.

Ja çfarë duhet të dini saktësisht se si do të funksiononte ndalimi i mundshëm dhe se si përdoruesit mund të përdorin ende TikTok-un, duke u bazuar në shpjegimet e ekspertëve.

Si do të funksiononte saktësisht ndalimi i TikTok?

Ligji që potencialisht ndalon TikTok – Ligji për Mbrojtjen e Amerikanëve nga Aplikacionet e Kontrolluara nga Kundërshtarët e Huaj – godet aplikacionin duke synuar kompanitë e palëve të treta jetike për funksionimin e platformës.

Në mënyrë të veçantë, ligji do të kufizonte dyqanet e aplikacioneve dhe kompanitë të cilat ofrojnë infrastrukturën digjitale nga e cila varen shërbimet si TikTok, shkruan Abc News, përcjell Telegrafi.

Tërheqja e detyrueshme e aplikacionit nga dyqanet kryesore të aplikacioneve, të tilla si ato të mbajtura nga Google dhe Apple, do t’i ndalonte përdoruesit e rinj të shkarkojnë aplikacionin dhe do t’i pengonte përdoruesit ekzistues ta përditësojnë atë.

Pa përditësime, aplikacioni do të degradonte cilësinë me kalimin e kohës për shkak të shqetësimeve të tilla si vonesat e ngarkimit të videos dhe defektet e performancës.

“Nëse aplikacioni nuk do të ishte në gjendje të shkarkonte përditësime, ai përfundimisht do të vjetërohej”, tha Qi Liao, profesor i shkencave kompjuterike në Universitetin Qendror të Michiganit.

Një përcaktim i veçantë do ta bënte gjithashtu të paligjshme që kompanitë të ofrojnë shërbime për TikTok.

Dhe kështu TikTok do të ndalonte funksionimin nëse kompanitë do të ndalonin ofrimin e shërbimeve.

Të paktën në teori, megjithatë, aplikacioni mund të krijojë partneritete me kompani jashtë SHBA-së, duke i vënë ato jashtë mundësive të zbatimit të SHBA-së.

Një lëvizje e tillë do ta mbante TikTok të disponueshëm për përdoruesit amerikanë, por shërbimi ka të ngjarë të jetë më i ngadalshëm.

Duke marrë parasysh përgjegjësinë e mundshme ligjore, TikTok ka të ngjarë të zgjedhë kundër përpjekjeve për të ruajtur platformën e saj me bazë në SHBA në formë të modifikuar.

Në vend të kësaj, shërbimet thjesht mund të ndalen, siç bënë në Indi menjëherë pas ndalimit në vitin 2020.

Ndërsa përdoruesit do të marrin një mesazh që thotë: “Ky apliakcion nuk është i disponueshëm në vendin tuaj”.

A do të mund ta përdornin amerikanët TikTok-un pas ndalimit?

Pavarësisht shkallës së ndërprerjeve të mundshme të shërbimit, përdoruesit do të jenë ende në gjendje të hyjnë në TikTok pas ndalimit, kanë treguar ekspertët.

Por, përdoruesit që e bëjnë këtë do të përballen me pengesa teknike dhe cilësi të reduktuar të aplikacionit.

Për disa, kjo ka të ngjarë të jetë një pengesë e frikshme; por të tjerët mund të kërkojnë gjithsesi TikTok.

“Nëse ata vërtet duan ta përdorin atë, përdoruesi do të gjejë një mënyrë për ta përdorur”, tha Liao. /Telegrafi/