Flakët masive rrethojnë dy burra dhe një qen në një shtëpi në Los Angeles, publikohet videoja që tregon momente tensioni

Dy burra dhe një qen u bllokuan në shtëpinë e tyre në Los Angeles, ndërsa zjarri përfshiu vendin.

Zjarret kanë përfshirë Kaliforninë jugore, duke detyruar dhjetëra mijëra të evakuohen.

Një video, e shpërndarë gjerësisht në X, tregon flakët masive që rrethojnë pronën.

Kamera lëviz për të treguar shtrirjen e zjarrit, përcjell Telegrafi.

“Do të jemi mirë”, dëgjohet të thotë burri, duke filmuar kaosin dhe duke u munduar ta qetësojë qenin.

Përdoruesi që postoi videon e përditësoi më vonë situatën.

“Qeni dhe të dy njerëzit e tij ishin në gjendje të evakuoheshin në mënyrë të sigurt”, konfirmoi ai.

I am told the dog and both his humans were eventually able to somehow safely evacuate the property. https://t.co/oHPsbZlJYu

— Kevin Dalton (@TheKevinDalton) January 8, 2025

Zjarri ka detyruar shumë njerëz të evakuohen, me rrugët e bllokuara dhe shumë banorë që ikën në këmbë pasi braktisën veturat e tyre.

Shpejtësia e erës ka komplikuar përpjekjet për shuarjen e zjarrit, duke e bërë atë shumë të rrezikshëm.

Autoritetet janë ende duke hetuar shkakun e saktë të flakëve.

Guvernatori i Kalifornisë Gavin Newsom vizitoi zonën dhe përshkroi dëmet, duke zbuluar se “shumë struktura” tashmë ishin shkatërruar. /Telegrafi/