Parashihet rritje e madhe e shitjeve të veturave elektrike në Evropë

Ekspertët parashikojnë një rritje të madhe të shitjeve të veturave elektrike në Evropë!

Ekspertët e kompanisë S&P Global Mobility (analiza financiare dhe parashikimi) parashikojnë se shitjet e automjeteve elektrike do të rriten në 15.1 milionë njësi vitin e ardhshëm, gjë që do të bëjë që pjesa e tyre në treg të arrijë në 16.7 për qind të shitjeve globale të veturave.

Megjithëse shifrat përfundimtare për vitin 2024 nuk janë publikuar ende, vlerësimet tregojnë për shitje prej 11.6 milionë automjetesh elektrike, duke u dhënë atyre një pjesë tregu prej 13.2 për qind, transmeton Telegrafi.

Rritja do të ndryshojë në mënyrë drastike nga rajoni në rajon dhe do të ndikohet nga shumë faktorë, duke përfshirë politikat e qeverisë, subvencionet dhe disponueshmërinë e infrastrukturës së tarifimit.

Për shembull, veturat elektrike pritet të përbëjnë vetëm 7.5 përqind të shitjeve totale në Indi, megjithëse një ndryshim prej 117 përqind nga viti në vit tregon se tregu po rritet me shpejtësi.

Në Evropë, parashikohet gjithashtu një rritje e ndjeshme e shitjes së veturave elektrike – deri në 43 për qind në krahasim me vitin 2024. /Telegrafi/