Kaos në Gjeorgji, presidentja u bashkohet protestuesve duke bërë thirrje për zgjedhje të reja

Presidentja aktuale e Gjeorgjisë iu bashkua mijëra protestave në rrugët e kryeqytetit Tbilisi të shtunën, saktësisht një muaj pasi shpërthyen protestat e opozitës.

Dhe ajo ka bërë thirrje për një votim të ri, duke pretenduar se zgjedhjet janë manipuluar nga rusët.

Organizata për Siguri dhe Bashkëpunim në Evropë (OSBE), e cila monitoroi zgjedhjet, i vuri gjithashtu zgjedhjet në pikëpyetje, shkruan euronews, përcjell Telegrafi.

“Çështje të shumta të vërejtura në raportin tonë përfundimtar ndikuan negativisht në integritetin e këtyre zgjedhjeve dhe gërryen besimin e publikut në proces”, tha më 20 dhjetor Eoghan Murphy, i cili drejtoi misionin e vëzhgimit të zgjedhjeve.

Lexo po ashtu Evropa dënon dhunën në Gjeorgji, propozohet pezullimi i udhëtimit pa viza për diplomatë dhe zyrtarë

Bëhet e ditur se në Tbilisi, protestuesit u përpoqën të formonin një zinxhir që kalonte mbi të tetë urat e kryeqytetit përgjatë lumit Kura.

Të shtunën ka pasur edhe protesta në qytete të tjera kundër kryeministrit Irakli Kobakhidze.

Partia e tij në pushtet, miqësore me Rusinë, Georgian Dream u themelua nga miliarderi në hije Bidzina Ivanishvili.

Të premten, SHBA vendosi sanksione të reja ndaj tij, duke thënë se ai po minonte demokracinë në dobi të Rusisë.

Protestat nisën më 28 nëntor pasi Kobakhidze njoftoi se Gjeorgjia do të shtynte ofertën e saj për anëtarësim në BE deri në vitin 2028.

Që atëherë, ka pasur një fluks të vazhdueshëm njerëzish që mblidhen gjatë ditës dhe gjatë natës. /Telegrafi/