G Bani shpreh ndjesë dhe kërkoi të lërë shtëpinë pas veprimit ndaj Valbona Mhillit

G Bani është ndjerë keq për gjestin ndaj Valbona Mhillit, ku zgjodhi ta vëzhgonte në mënyrë të pahijshme ndërsa ajo e fundit ishte duke u larë në dush.

Megjithëse Valbona i kërkoi disa herë të largohej se po e vendoste në siklet, G Bani iu kthye në mënyrë arrogante duke thënë: “Jam i uritur të shoh trup femre”.

Kjo situatë u komentua në spektaklin e së martës dhe këngëtari ka reflektuar mbi këtë.

Ai i kërkoi ndjesë gazetares dhe kërkoi që të largohej nga shtëpia më e famshme në vend.

Lexo po ashtu Të gjitha lajmet nga G Bani

“Valbona më fal ty dhe familjes tënde si fillim, dhe në vazhdim duke qenë se veç Shqipërisë jam dhe shtetas suedez, dua të bëj diçka jo si shqiptar, por si suedez dua të jap dorëheqje nga pjesëmarrja në Big Brother për arsye se kam shkelur standardin e sjelljes”, tha G Bani.

Në këtë moment ka ndërhyrë Valbona, e cila ka pranuar ndjesën dhe duke e përqafuar banorin u shpreh: “Po ike ti, do iki dhe unë”.

Krahas kësaj, edhe konkurrentët e tjerë nuk e linin G Banin për të marrë këtë vendim. /Telegrafi/