Sulmi në tregun e Krishtlindjeve në Magdeburg të Gjermanisë – krejt çka dihet deri më tani

Një ngjarje tragjike ka tronditur mbrëmjen e së premtes në qytetin Magdeburg të Gjermanisë, kur një veturë që po lëvizte me shpejtësi është përplasur në turmën e njerëzve në një treg të Krishtlindjeve, duke shkaktuar viktima të shumta.

Gazeta Bild raporton se të paktën 11 persona kanë humbur jetën, ndërsa raportime të tjera nga mediat, duke iu referuar burimeve zyrtare, tregojnë se deri më tani janë konfirmuar dy viktima.

Sipas autoriteteve, mbi 80 persona kanë mbetur të plagosur gjatë sulmit, i cili po hetohet si një akt terrorist.

Lexo po ashtu Publikohen pamjet e para nga tregu i Magdeburgut - raportohet për një të vdekur pasi një veturë shkeli një grup njerëzish

Ngjarja ka shkaktuar tronditje të thellë në mbarë vendin, duke nxitur reagime nga zyrtarët më të lartë të shtetit.

‼️ The attacker who drove into a crowd in #Magdeburg was born in Saudi Arabia

According to the German newspaper Welt, citing intelligence services, the perpetrator is 50 years old. Prior to the attack, he rented a car, which he then used to drive into the market at the Old Town… pic.twitter.com/4XavsELh5f

— NEXTA (@nexta_tv) December 20, 2024

Kancelari gjerman, Olaf Scholz, ka shprehur dhimbjen dhe solidaritetin e tij për viktimat dhe familjet e tyre, duke paralajmëruar se numri i viktimave mund të rritet.

“Raportet nga Magdeburgu sugjerojnë se diçka e tmerrshme po vjen. Mendimet e mia janë me viktimat dhe familjet e tyre. Ne qëndrojmë pranë tyre dhe pranë popullit të Magdeburgut. Falënderimet e mia shkojnë për punonjësit e shpëtimit të angazhuar në këto orë shqetësuese”, tha Scholz, i cili do të vizitojë rajonin gjatë ditës së shtune.

Hetimet e deritanishme kanë identifikuar të dyshuarin kryesor si një burrë me origjinë nga Arabia Saudite, i lindur në vitin 1974.

Lexo po ashtu Shkon në 11 numri i të vdekurve në Magdeburg, reagon kancelari Scholz

Ai kishte ardhur në Gjermani në vitin 2006 dhe punonte si mjek. Sipas raportimeve, ai kishte marrë me qira automjetin e përdorur në sulm.

Në ulësen e pasagjerit të veturës është gjetur një bagazh, i cili po shqyrtohet nga ekspertët për të hedhur dritë mbi motivet dhe planifikimin e sulmit.

‼️ BREAKING: Car Drives Into Crowd at Magdeburg Christmas Market

A driver drove into a group of people at the Christmas market in Magdeburg. At least one person has died, and several others have been injured, according to police statements.

Earlier reports from German media… pic.twitter.com/GKwJyi2S2q

— NEXTA (@nexta_tv) December 20, 2024

Policia ka konfirmuar se për momentin nuk ka prova që tregojnë për përfshirjen e ndonjë të dyshuari tjetër.

Lexo po ashtu Kush është i dyshuari që shkaktoi tragjedinë në Magdeburg - publikohen pamjet e arrestimit të tij

Zëdhënësi i qytetit të Magdeburgut, Michael Reif, e ka cilësuar këtë ngjarje si një sulm terrorist.

“Fotografitë janë të tmerrshme. Informacioni im është se një veturë ka hyrë në tregun e Krishtlindjeve, por ende nuk mund të them nga cili drejtim dhe sa larg”, u shpreh Reif.

Tragjedia ka ngjallur reagime edhe përtej kufijve të Gjermanisë, transmeton Telegrafi.

Presidentja e Kosovës, Vjosa Osmani, ka shprehur solidaritetin e saj me popullin gjerman dhe ka dërguar ngushëllime për viktimat e kësaj ngjarjeje të rëndë.

Gjithashtu ka reaguar edhe presidenti francez, Emmanuel Macron, presidentja e Komisionit Evropian, Ursual von Der Leyen, zyrtarë britanikë si dhe liderë të tjerë botëror.

Lexo po ashtu Pas sulmit në Gjermani, Osmani: Populli i Kosovës qëndron përkrah popullit të Gjermanisë

Ndërkohë, ky incident tragjik ka lënë gjurmë të thella në qytetin që zakonisht karakterizohet nga atmosfera festive gjatë periudhës së Krishtlindjeve.

Autoritetet po vazhdojnë hetimet për të zbuluar të gjitha detajet e këtij sulmi të tmerrshëm dhe për të garantuar sigurinë e qytetarëve në të ardhmen.

Ka ende një “prezencë të fortë policore” në vendin e tregut të Krishtlindjeve. Qendra e qytetit është e mbyllur dhe e rrethuar.

Ndryshe, Magdeburg, një qytet me 240 mijë banorë dhe kryeqyteti i provincës së Saksisë-Anhalt, ndodhet në perëndim të Berlinit. /Telegrafi/

Meine Gedanken sind heute bei den Opfern der brutalen und feigen Tat in Magdeburg.

Mein Beileid gilt den Angehörigen und Freunden, mein Dank der Polizei und den Rettungskräften.

Diese Gewalttat muss aufgeklärt und hart geahndet werden.

— Ursula von der Leyen (@vonderleyen) December 20, 2024

Profondément choqué face à l’horreur qui frappe ce soir le marché de Noël de Magdebourg en Allemagne.

Je pense aux victimes, aux blessés ainsi qu’à leurs proches et à leurs familles. La France partage la douleur du peuple allemand et exprime toute sa solidarité.

— Emmanuel Macron (@EmmanuelMacron) December 20, 2024