Vritet në një parking reperi suedez Gaboro, vrasësi e filmon ekzekutimin

Reperi suedez, Gaboro, i njohur me emrin e tij të vërtetë Ninos Khouri, u qëllua për vdekje në një parkim makinash në Norrkoping, Suedi.

Ngjarja tragjike ndodhi mbrëmjen e djeshme, kur një person i armatosur filmoi vrasjen ndërsa e kryente atë.

Videoja, që po qarkullon në rrjetet sociale, tregon momentin e ekzekutimit të 24-vjeçarit, i cili, edhe pse u përpoq të largohej, u qëllua për vdekje, shkruan DailyMail.

Policia mori alarmin rreth orës 20:00 dhe mbërriti menjëherë në vendngjarje, ku gjeti Gaboron me plagë të rënda nga arma e zjarrit.

Ai u dërgua me urgjencë në spital, por humbi jetën nga plagët. Ende nuk është bërë asnjë arrestim, dhe hetimet për kapjen e vrasësit vazhdojnë.

Gaboro, i njohur për lidhjet e tij me bandat dhe pas të kaluarës së tij të dënimeve për veprat e vogla me drogë, është viktima e fundit e një valë dhune që ka përfshirë Suedinë.

Vrasja e tij ndodhi vetëm disa muaj pas vrasjes së reperit tjetër suedez, C.Gambino, fitues i çmimeve, i cili u qëllua për vdekje në një pritë në një parking makinash në Goteborg.

Në vitin 2023, Suedia ka pasur një numër të lartë të të shtënave vdekjeprurëse, megjithatë, numri i tyre është ulur krahasuar me vitin 2022, që ishte vit rekord për vrasjet nga bandat.

Policia është duke përpjekur të kontrollojë situatën, duke përdorur teknologji të avancuar si kamera dhe dronë për të luftuar krimin e organizuar dhe për të parandaluar më shumë vrasje. /Telegrafi/

Outrage in Sweden after a video goes viral among the country’s youth of a 23-year-old rapper being shot to death.

Ninos Khouri, better known under his stage name “Gaboro” was involved in Sweden’s gang wars.

The Assyrian rapper’s last words were “I beg you… you motherf*cker” pic.twitter.com/RKM8y0oFwA

— Visegrád 24 (@visegrad24) December 20, 2024