Ajo luajti një vajzë të vogël në një film të famshëm të Krishtlindjeve, sot është 24 vjeçe dhe nënë

Miffy Englefield, e cila luajti Sophie në “The Holiday”, është sot 24 vjeçe dhe nënë e një vajze katërvjeçare.

Sot ajo i është përkushtuar mëmësisë

Klasiku i Krishtlindjeve “The Holiday” është ndër filmat e preferuar të Krishtlindjeve, dhe në të Miffy portretizoi Sophie, vajzën më të madhe të Graham, të luajtur nga Jude Law.

Dikur e njohur si një vajzë flokëkuqe, sot ajo është një grua me flokë të zeza me tatuazhe, e përkushtuar ndaj mëmësisë.

Edhe pse profili i saj në Instagram është i mbyllur për publikun, Miffy është aktive në TikTok, ku ndiqet nga 74.5 mijë persona.

Atje, ajo shpesh u përgjigjet pyetjeve rreth punës në filmin e njohur dhe ndan momente nga jeta e saj private me partnerin e saj Alex Whivley-Conway dhe vajzën.

“Unë mendoj se kam ndryshuar shumë që kur isha gjashtë vjeçe, si shumica e njerëzve, por për mua ky ndryshim është veçanërisht i theksuar. Vetëm kur fillova të përdor TikTok, njerëzit filluan të më njohin”, tha ajo vitin e kaluar.

“Është diçka që më ka përcaktuar më së shumti. Kam një vajzë të mrekullueshme dhe jam e lumtur që mund të qëndroj në shtëpi me të derisa të fillojë shkollën dhe ai moment është shumë afër”, tha ajo. /Telegrafi/