Nikollovski paralajmëron subvencione për blerjen e biçikletave në Shkup

Zëvendëskryeministri dhe ministri i Transportit, Aleksandar Nikolloski, përmes rrjeteve sociale paralajmëroi masa të reja për përmirësimin e infrastrukturës së biçikletave, si dhe subvencione shtetërore për blerjen e biçikletave.

“Për të zgjidhur kaosin e trafikut, por edhe për të zgjidhur një pjesë të problemit të ndotjes, patëm një takim shumë të dobishëm me “GoGreen”, ku ramë dakord për dy gjëra që do të ndihmojnë shumë të gjithë ata që përdorin biçikleta.

Së pari, një ndryshim në Urdhëresën e Urbanistikës që do të përcaktojë qartë se si do të zbatohen dhe ndërtohen shtigjet e biçikletave në mënyrë që investitorët të mos kenë më arsyetim për të mos i ndërtuar, tani do të detyrohen t’i ndërtojnë dhe së dyti, tashmë pas Vitit të Ri po fillojmë një politikë të Ministrisë së Transporteve për të subvencionuar një pjesë të kostove të blerjes së biçikletave në mënyrë që sa më shumë njerëz të përdorin biçikletat. Pra, nga njëra anë do të punohet për infrastrukturën e biçikletave dhe nga ana tjetër për të mundësuar të gjithë ata që duan të blejnë një biçikletë.
Shpresoj se ky do të jetë një hap përpara drejt përdorimit të biçikletave, për të pasur një infrastrukturë më të mirë biçikletash, sigurisht komunikim më të shpejtë dhe një mjedis më të shëndetshëm. Ecim përpara!”, shkruan Nikolloski./Telegrafi/