Brenda laboratorit të drogës të Assadit në Siri: Rebelët zbulojnë mijëra pilula të fshehura në fruta e guralecë dekorativë

Janë publikuar foto të një laboratori industrial të drogës, të cilin luftëtarët rebelë thonë se e kanë gjetur në skaj të Damaskut.

Sipas rebelëve, mijëra pilula u zbuluan të fshehura në mobilje, fruta dhe guralecë dekorativë.

Qeveria e Bashar al Assad në Siri u akuzua për përfitim nga prodhimi dhe shitja e stimuluesit të varur si amfetamina Captagon, shkruan skynews, përcjell Telegrafi.

Pilulat e gjetura në një magazinë të errët ishin të stampuara me logon e dyfishtë të gjysmëhënës ose fjalën “Lexus” që identifikon pilulat Captagon.

Brenda raportohet se kishte dhjetëra fuçi, kuti dhe shishe me kimikate të ndryshme, duke përfshirë kloroform, jodur kaliumi, tretësirë ​​formaldehidi, tretësirë ​​amoniaku, acid acetik, acid klorhidrik, cikloheksanon dhe eter nafte.

“Këto janë gati për eksport”, tha një nga sundimtarët e rinj të Sirisë.

Ndryshe, udhëheqja e kaluar siriane do të kishte bërë një fitim vjetor prej 2.4 miliardë dollarësh – një e katërta e vlerës së të gjithë tregtisë globale – sipas Caroline Rose, drejtore e Institutit New Lines me bazë në SHBA, Captagon Trade Project.

Familja Assad gjithmonë i ka mohuar akuzat. /Telegrafi/