Filkov për “listën e zezë”: Disa punë vetë duhet ti çojmë deri në fund

Ministri i Drejtësisë, Igor Filkov, falënderoi aleatët për ndihmën e tyre në zbardhjen e rasteve të korrupsionit, por vlerëson se institucionet kompetente duhet ta përfundojnë punën e tyre në periudhën e ardhshme, përcjell Telegrafi Maqedoni.

“I jam mirënjohës partnerëve tanë që po na ndihmojnë në procese, por disa gjëra duhet t’i shtyjmë deri në fund. Në periudhën që vijon, të shohim se çfarë do të ndodhë, të mos nxitojmë në konkluzione”, thotë Filkov i pyetur se pse nuk ka hetime për korrupsion nga institucionet kompetente të vendit për Grubin dhe gjyqtarin Bexheti se kanë bërë korrupsion, ndërsa në SHBA tashmë kanë vlerësuar se ekziston.

Në pyetjen shtesë se pse institucionet e Maqedonisë nuk kanë mundur t’i zbulojnë dhe ndjekin penalisht për korrupsion personat që janë në “listën e zezë” në SHBA dhe për të cilët janë vlerësuar se kanë akte korruptive, Filkov mendon se nevojiten korrigjime.

“Nuk do të thosha se nuk munden. Kjo do të thotë se kemi shumë rreshtim përpara nesh. Pra, të presim dhe të shohim se çfarë do të ndodhë”, thotë Filkov.

Sa i përket reformës në Këshillin Gjyqësor, ai bëri të ditur se po punohet për ndryshimet, për të cilat deri më tani janë mbajtur tre seanca. Javën e ardhshme ka edhe një tjetër, pas së cilës do të përmbledhin gjërat dhe Ministria do të dalë me një propozim konkret./Telegrafi/