Gratë amerikane nuk duan më të duken si familja Kardashian, bie trendi i operacioneve plastike

Gratë amerikane nuk po ndjekin më trendët e familjes Kardashian.

Pas viteve të ndryshimeve të ekzagjeruar kirurgjike, ndërhyrjet e tepërta kanë filluar të zbehen, sipas kirurgëve plastikë që po parashikojnë një “vit deflacioni të madh” në vitin 2025, shkruan New York Post.

Në atë që tani po quhet “De-kardashianifikimi i Amerikës”, një referencë për një ndryshim kulturor nga trendët e familjes së famshme.

Pacientët që dikur kishin bërë ndërhyrje BBL (për theksimin e të pasmeve) tani po i largojnë ato, duke i hequr implantet dhe duke i hequr botokset dhe mbushësit, e duke synuar një dukje më natyrale, ndryshe prej figurës që dikur përcaktonte standardet e bukurisë.

“Është kthyer përsëri: Kirurgjia e mirë plastike ka për qëllim të duket natyrale, ka për qëllim të duket e shëndetshme, nuk ka për qëllim të duket e ekzagjeruar”, tha kirurgu plastik me bazë në NYC, David Shokrian, i Millennial Plastic Surgery.

Fenomeni “pillow face” i përdorur për të përshkruar fryrjen e shkaktuar nga mbushësit, i ka frenuar pacientet nga teprimi i injektimeve.

Ata që tashmë kanë injektuar fytyrën me mbushës të acidit hialuronik janë frymëzuar t’i heqin ato për ta bërë fytyrën sa më të sheshtë.

Nga atje, mund të bëhen rregullime të vogla për të arritur një pamje më natyrale, të tilla si ngrehja e fytyrës, ngrehja e vetullave ose blefaroplastika, një lloj operacioni i qepallave.