Kurti bëri homazhe pranë Memorialit të Fëmijëve të Vrarë gjatë Rrethimit të Sarajevës

Kryeministri  i Kosovës, Albin Kurti, ka nisur vizitën në Sarajevë duke vendosur lule të Memoriali i Fëmijëve të Vrarë gjatë Rrethimit të Sarajevës.

Në postimin e bërë në platformën “X”, Kurti ka shkruar se 1 mijë e 601 fëmijë u vranë nga mizoria e forcave serbe, duke shtuar se kjo figurë tragjike kujton jetët e humbura të pafajshme dhe tmerret e shkaktuara mbi civilë.

“E nisa vizitën time në Sarajevë duke vendosur lule në Memorialin e Fëmijëve të Vrarë të Sarajevës së Rrethuar – një vend i pikëllimit dhe kujtimit të thellë. Gjatë Rrethimit të Sarajevës (1992–1996), 1,601 fëmijë u vranë si pjesë e mizorive më të gjera të kryera gjatë Luftës së Bosnjës nga forcat serbe. Kjo figurë tragjike është përkujtuar këtu, duke na kujtuar jetët e humbura të pafajshme dhe tmerret e shkaktuara mbi civilët”, ka shkruar i pari i qeverisë në X.

Kryeministri i Kosovës, Albin Kurti, është takuar me dy anëtarë të Presidencës së Bosnje e Hercegovinës gjatë vizitës në Sarajevë, gjersa zhvilloi takime të ndara me anëtarin kroat, Zhelko Komshiq dhe atë boshnjak, Denis Beqiroviq.

E për takimin me Kurtin ka shkruar anëtari kroat i Presidencës së Bosnjës dhe Hercegovinës, Komshiq.

Ai në një postim në Facebook ka falënderuar kryeministrin e Republikës së Kosovës, Albin Kurti për vendimin për heqjen e regjimit të vizave për qytetarët e Bosnjës dhe Hercegovinës./Telegrafi/

I started my visit to Sarajevo by laying flowers at the Memorial to the Murdered Children of Besieged Sarajevo—a place of profound sorrow and remembrance. During the Siege of Sarajevo (1992–1996), 1,601 children were killed as part of the broader atrocities committed during the… pic.twitter.com/SHQ5Ds5w6b

— Albin Kurti (@albinkurti) December 6, 2024