Janë gjetur në Florida, monedhat e arta me vlerë prej një milion dollarë nga anija spanjolle 300-vjeçare

Një tufë monedhash ari të vjedhura të lidhura fillimisht me anijet e Flotës 1715 që u zbuluan në Bregun e Floridës, janë gjetur nga agjentët federalë amerikanë.

Komisioni për Ruajtjen e Peshkut dhe Botës së Egër në Florida, njoftoi se ishin në gjendje të gjenin 37 monedha ari me vlerë mbi 1 milion dollarë, që ishin vjedhur më 26 nëntor, transmeton Telegrafi.

Më 31 korrik 1715, 12 anije spanjolle të ngarkuara me argjend dhe ar po bënin udhëtimin nga Havana, Kubë për në Spanjë, kur një stuhi shkatërruese fundosi 11 prej atyre transportuesve në ujë në brigjet e Floridës, dhe la të vdekur rreth 1000 marinarë.

Mbi 300 vjet më vonë, Eric Schmitt dhe anëtarët e tjerë të familjes së tij u punësuan si operatorë të kontraktuar shpëtimi për Flotën 1715 – Queens Jeëels në 2015.

Grupi arriti të zbulonte një thesar prej 101 monedhash ari nga rrënojat – nga të cilat 51 ishin raportuar saktë, por 50 monedha tjera mungonin.

Në nëntë vitet e fundit, zyrtarët kryen kërkime të shumta dhe monedhat e pallogaritura u gjetën nga shtëpitë e njerëzve, kasafortat dhe ankandet.

Hetuesit nga FËC nisën një hetim të thelluar në bashkëpunim me FBI-në pasi dolën prova befasuese më 10 qershor 2024.

Provat dhe hetimet e tyre të mëvonshme arritën në përfundimin, se Eric dyshohet se kishte kryer shitje të paligjshme të monedhave të shumta ari të vjedhura midis 2023 dhe 2024.

Detektivët kishin gjetur pesë monedha të tilla me një ankand me bazë në Florida, të cilat dyshohet se ishin shitur nga Eric. /Telegrafi/