Elton John i ulur në karrige gjatë premierës së filmit të ri, ndërsa mbështetet nga burri i tij 62-vjeçar

Sir Elton John ishte në një humor të shkëlqyer ndërsa parakaloi në tapetin e kuq për shfaqjen e veçantë të filmit biografi të tij më të ri, “Never Too Late”, të premten në Londër.

Muzikanti, 77 vjeç, u mbështet me krenari nga bashkëshorti i tij, David Furnish, 62 vjeç, ndërsa pozonin përpara kamerave përpara shfaqjes, e cila u mbajt në ‘Ham Yard Hotel’, shkruan DailyMail.

Dokumentari dhe muzikali i ri i Sir Elton në Disney+ sjell një vështrim retrospektivë mbi jetën e tij të jashtëzakonshme gjatë fillimeve të karrierës së tij 50-vjeçare.

Si gjithmonë, ai dukej modern me syzet e tij të njohura, teksa kishte veshur një kostum ngjyrë rozë, me një xhaketë të thjeshtë dhe pantallona që i përputheshin. Bashkëshorti i tij, David, shprehte mbështetjen dhe krenarinë për Eltonin në tapetin e kuq.

Regjisori i dokumentarit kishte veshur një xhaketë sportive gri të hapur dhe një palë pantallona të zgjedhura me kujdes, duke shfaqur një pamje elegante.

Ndërkohë, në shfaqje, këngëtarja Raye, 27 vjeçe, mbërriti plot energji për të mbështetur mikun e saj të mirë. Këngëtarja e “Escapism” shkëlqeu e veshur me një pallto me model tigrash dhe me çizme të gjata prej lëkure kafeje, duke pozuar për fotografët në tapetin e kuq pranë miqve të saj.

Prezantuesja televizive Clara Amfo, 40 vjeçe, magjepsi të oranishmit me një fustan xhaketë të shkurtër të kuq. Duke treguar këmbët e tonifikuara, ajo kompletoi pamjen me një palë taka të zeza dhe vathë të mëdhenj ngjyrë ari.

Dokumentari ndjek Eltonin ndërsa ai rikujton jetën e tij dhe ditët e jashtëzakonshme të fillimit të karrierës së tij 50-vjeçare, në një udhëtim emocional, intim dhe inspirues.

Filmi përfshin pamje të papara më parë, përfshirë shikime në ditarët e shkruar me dorë të Eltonit, regjistrime audio nga intervista historike për Rolling Stone dhe momentin kur John Lennon iu bashkua në skenë për tri këngë pas koncertit të tij të Ditës së Falënderimeve në Madison Square Garden në vitin 1974.

Elton i çon shikuesit prapa në kohë, duke treguar momentet e larta të jashtëzakonshme dhe momentet e dhimbshme të viteve të tij të para dhe sesi i përballoi sfidat, abuzimet dhe varësinë.

Prodhuar nga ‘Rocket Entertainment’ dhe ‘This Machine Filmworks’, filmi përmban gjithashtu një këngë origjinale të re nga Elton John.

Ky projekt vjen pasi bashkëshorti i tij David zbuluoi në 32-vjetorin e mbrëmjes gala të ‘Elton John AIDS Foundation’ gjatë ‘Oscar’-it se ata gjithmonë kishin menduar të krijonin një muzikal bazuar në katalogun e jashtëzakonshëm të hiteve të tij, raportoi The Sun.

David tha asokohe: “Një muzikal me katalogun e tij është diçka që gjithmonë po e konsiderojmë. Nuk kemi gjetur ende diçka që të mbulojë… Nëse do të bëhej, do të donim të ishte inovativ, emocionues dhe i veçantë”.

“Jemi të hapur për ide të shkëlqyera, dhe është një katalog i mrekullueshëm. Por aktualisht, me dy muzikale të tjera, jemi mjaft të zënë”.

Eltoni ka një vit të ngarkuar përpara, me shfaqjen e tij “Devil Wears Prada” që do të nisë në Plymouth në korrik, e ndjekur nga muzikali “Tammy Faye,” për predikuesen Tammy Faye Bakker, i cili do të vijë në Broadway më vonë këtë vit. /Telegrafi/