Britney Spears zbulon lëvizjen e re befasuese në karrierë: Do t’ju pëlqejë

Britney Spears po shton një tjetër arritje në rezymenën e saj si sipërmarrëse, me njoftimin e markës së saj të re të bizhuterive, B Tiny.

Këngëtarja 42-vjeçare, e njohur për hitin e saj “Toxic”, ndau logon e markës në Instagram, e cila përfshin një sfond rozë dhe një trëndafil, me emrin e markës të shkruar në font kursive.

Ajo shprehu emocionin e saj për këtë sipërmarrje para audiencës së saj prej 41.9 milion ndjekësish, duke treguar se linja e saj do të dalë së shpejti dhe se çdo pjesë do të jetë unike dhe e veçantë, shkruan DailyMail.

Të dielën, Britney ndau një fotografi të saj duke modeluar një zinxhir dore me gurë të çmuar blu dhe jeshil, duke theksuar: “Linja ime e parë e bizhuterive vjen së shpejti!!!”.

Në postim, ajo shprehu se ndihet e pasionuar për artin dhe se është e emocionuar për këtë hap të ri.

Duke treguar manikyrin e saj të freskët francez dhe tatuazhet në duar, ajo duket se ishte në dhomën e saj të gjumit.

Pavarësisht entuziazmit të fansave, të cilët e mbështetën me mbi 40 mijë pëlqime brenda tre orëve, ata nuk patën mundësi të shprehnin mendimet e tyre pasi Britney kishte çaktivizuar komentet në këtë postim.

Mbetet e paqartë se kur do të fillojë B Tiny dhe çfarë do të jenë çmimet e produkteve. /Telegrafi/