“Jepni forcë vetes”, “Gjithçka ka zgjidhje” – Mbahet konferenca kushtuar rëndësisë së shëndetit mendor në Mitrovicë
Gjatë ditës së djeshme është mbajtur konferenca me temën “Rëndësia e shëndetit mendor dhe parandalimi i vetëvrasjesve” në Universitetin e Mitrovicës “Isa Boletini”. Kjo konferencë është dy ditore dhe mbahet në kuadër të iniciativës rinore “Frymo Lirshëm”.
Në këtë konferenncë shin dy panele diskutimi. Në panelin e parë ishin: Deputetja e Kuvendit të Kosovës, Floretë Zejnullahu, Mehmet Salihu, koordinator rinor, prof.assoc.dr.Islam Qerimi nga Fakulteti Juridik dhe ish-kryetari i Komunës së Mitrovicës, Agim Bahtiri. Ndërsa në panelin e dytë ishin: Psikologia, Bukurije Brezhnica dhe pedagogia Alberina Hajzeri, shkruan Telegrafi.
Një fjalë rasti e pati edhe kryesuesja e Kuvendit të Komunës së Mitrovicës, Vesa Broja.
Fillimisht koordinatori rinor, Mehmet Salihu falënderoi të gjithë ata që e mbështetën në realizimin e kësaj konference, duke filluar nga Universitetin e Mitrovicës “Isa Boletini”, Komunën e Mitrovicës, kampanjën “Frymo Lirshëm” e të tjerë.
“Ne jemi të fuqishëm duke punuar së bashku. Le të vazhdojmë të jetojmë lirshëm”, ka thënë Salihu.
Deputetja e Kuvendit të Kosovës, Floretë Zejnullahu ka thënë se problemet me shëndetin mendor janë dukuri mjaft sfiduese.
“Është një dukuri mjaft sfiduese. Janë disa faktor që ne duhet të punojmë më shumë drejt tyre, siç është mungesa e psikologëve në shkolla. Nxënësve duhet tu shpjegohet se nuk është tabu të shkosh tek psikologu e të flasësh edhe për bullizmin”, ka thënë Zejnullahu.
Deputetja diskutoi edhe për një rast ku një fëmijë i vogël në familjen e saj është bullizuar nga bashkëmoshatarët në shkollë, pasiqë të njëjtit e kanë fotografuar atë dhe situata ka shkuar deri tek përleshja fizike.
Ndërsa, kryesuesja e Kuvendit të Mitrovicës, Vesa Broja, ka thënë se ka shumë njerëz që përballen me gjendje të rëndë psikologjike dhe emocionale por që të njëjtit, sipas saj, duhet të dijnë se gjithmonë ka një rrugëdalje.
“Ka shumë njerëz në përditshmërinë tonë që përballen me gjendjen e rëndë, ndërkohë ne nuk e dijmë dhe as nuk e vërejmë fare. Ata luftojnë çdo ditë me ndjenjat e trishtimit dhe boshllëkut, duke menduar madje edhe për veprime ekstrme. Në këtë gjendje të errët shpesh mund të duket që nuk ka rrugëdalje, por ne duhet të kujtojmë se gjithmonë ka një rrugë”, ka thënë Broja.
Broja ka thënë se janë të pranishëm në këtë konferencë për të ngritur zërin dhe për të ndarë mesazhin se është normale të kërkojmë ndihmë.
“Është normale të mos jesh mirë çdo ditë, por mbi të gjitha është jetësore të kujtojmë se gjithmonë ka një shpresë, një dorë të shtrirë për të ndihmuar dhe një komunitet që kujdeset”, është shprehur ajo.
Derisa, ish-kryetari i Komunës së Mitrovicës, Agim Bahtiri, ka thënë se çështja e shëndetit mendor duhet të diskutohet kudo pa hezitim, transmeton Telegrafi.
“Kjo është një dukuri për të cilën duhet të diskutohet pa hezitim dhe të gjithë të rinjtë e shoqëria civile duhet t’i bashkangjitet kësaj kampanje. Ky problem duhet të jetë i pranishëm çdo herë në tubime sepse është një pjesë e shoqërisë që ka ende trauma nga lufta dhe paslufta. Nuk është dobësi ose marri të tregosh se ke një sëmundje sepse ajo mund të shërohet”, ka thënë Bahtiri.
Bahtiri u ka bërë thirrje të gjithë të rinjve që t’i mbështesin personat që kanë nevojë për mbështetje psikologjike.
“Njeriu gjatë rrugëtimit në jetë mund të përjetoj shumë gjëra të mira dhe të këqija, por kur të rinjtë bëjnë vetëvrasje është shqetësuese. Të rinjtë duhet të kenë vetëbesim se mund të arrijnë atë që duan, do të kenë pengesa por në fund do të arrijnë. Ju them të rinjve të jenë guximtar, të kenë vetëbesim dhe ta përballojnë çdo situatë”, është shprehur ai.
Profesori nga Fakulteti Juridik, Islam Qerimi ka thënë se është e nevojshme që institucionet akademike t’i mbështesin iniciativat kushtuar rëndësisë së shëndetit menndor.
“Universiteti i Mitrovicës do t’i ndihmoj gjithmonë këto iniciativa”, ka thënë Qerimi.
Ai është shprehur se interesimi i studentëve është shumë i madh për të marrë pjesë në këto iniciativa dhe se është i lumtur të marrë pjesë në organizime të tilla.
Psikologia, Bukrije Brezhnica u shpreh se nga ana e psikologëve është e rëndësishme të funksionojnë mekanzima institucional.
“Nga ana e psikologëve është e rëndësishme të funksionojnë mekanzima institucional”, ka thënë Brezhnica.
Gjersa, pedagogia Arberina Hajzeri, ka potencuar se ka pasur raste kur fëmijët kanë qenë të përfshirë në rrethana jo të mira, por falë angazhimit të tyre ka pasur përmirësime.
“Ka pasur fëmijë që kanë qenë të përfshirë në rrethana jo të mira, por falë punës dhe angazhimit tonë ka pasur përmirësime. Ju themi nxënësve që brenda shkollës është një derë ku ata mund të vijnë dhe të flasin pa hezitim për çdo gjë. Çdo gjë është e zgjidhur. Fatkeqësia është që nxënësit shkojnë drejt delekuencës dhe këtë mundohemi ta parandalojmë përmes këshillave dhe rekomandimeve”, është shprehur Hajzeri
Ajo ka theksuar rëndësinë e bashkëbisedimit të nxënësve me bashkëmoshatarët e tyre sepse sipas saj, është e rëndësishme të flasësh dhe të mos e mbash barrën emocionale brenda vetes. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Minatorët thanë se janë kompensuar vetëm me 51% të pagës, “Trepça”: Kemi bërë shumë pagesa gjatë muajit shtator
“Tetori rozë” – Shiten produkte ushqimore në Mitrovicë, mjetet do t’iu dhurohen grave të prekura me kancer të gjirit
Fillon fushata ndërgjegjësuese ndaj kancerit të gjirit në Leposaviq
Publikimi i audio-incizimeve të reja ndërmjet Kusarit dhe Radoiçiqit, Kurti: Tash do të intensifikohet lufta hibride
“Miqësia” me Putinin, dy 'goditje' brenda dy dite për Viktor Orbanin e Hungarisë
Nga Prishtina në Cyrih për vetëm 10 minuta? Njihuni me Stargazer, aeroplanin 'hipersonik' që së shpejti mund të transportojë pasagjerë
Dy gjëra në të cilat “bota duhet të ketë vëmendjen” në Lindjen e Mesme, gjatë ditëve në vijim - sipas gazetarit britanik
PSD me aksion në Merdar, pengohen nga Policia
Cassano tha nuk është as në top 10 më të mirët e të gjitha kohërave, reagimi i Ronaldos tregon se sa egoist është
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Haradinaj: Bashkëpunojmë me të gjithë, edhe me Listën Serbe, por për Kurtin kryeministër nuk bëjmë koalicion
Dani Carvajal mund të mos luajë më futboll
Joseph me mesazh për Serbinë: Jeni me fat që e keni fqinj Albin Kurtin e jo liderin e Hamasit
Historia e errët e vëllezërve Menendez - çfarë dihet për rastin që po bën bujë në internet pas serialit të Netflix?
Man United ka vendimin për të ardhmen e Ten Hag
Përplasje me Netanyahu? Pentagoni thotë se ministri izraelit i mbrojtjes ka shtyrë vizitën në Uashington