Afrim Tovërlani publikon listën e lojtarëve të ftuar te Kosova U21

Selektori i Përfaqësueses së Kosovës për grupmoshën U-21, Afrim Tovërlani, ka publikuar listën e lojtarëve për ndeshjet e tetorit.

Kosova U21 do të ndeshet fillimisht me Poloninë më 11 tetor në stadiumin “Fadil Vokrri”, ndërsa takimi i dytë do të zhvillohet në udhëtim ndaj Estonisë më 15 tetor.

Në këtë listë janë përzgjedhur 22 futbollistë për dy ndeshjet kualifikuese që do të zhvillohen gjatë këtij muaji.

Një nga befasitë e listës është ftesa për Igball Jasharin, i cili së fundmi ka qenë pjesë e Kosovës U19 dhe luan për Prishtinën. Gjithashtu, Dion Gallapeni do të debutojë për herë të parë me Kosovën U21, pas paraqitjeve të shkëlqyera me klubin e tij.

Nga Superliga e Kosovës dhe Liga e Parë, 14 futbollistë kanë pranuar ftesën, duke përbërë më shumë se gjysmën e ekipit.

Lista e plotë e lojtarëve të ftuar nga Afrim Tovërlani është si më poshtë:

Portierë: Mustafë Abdullahu, Egzon Lekaj, Leon Besson

Mbrojtës: Yll Ibrahimi, Diar Vokrri, Dion Gallapeni, Ardi Ajdini, Florian Haxha, Rejan Thaçi, Amar Gërxhaliu, Arbnor Hasani

Mesfushë dhe sulm: Altin Kryeziu, Milot Avdyli, Lulzim Peci, Redon Ismaili, Oltion Bilalli, Elvir Gashijani, Veton Tusha, Igball Jashari, Ardit Tahiri, Fatjon Bunjaku. /Telegrafi/