Djathi i Sharrit është më shumë se një produkt, pasi simbolizon një pasuri kombëtare, dhe si i tillë duhet të mbrohet e promovohet tutje, është thënë të premten në Prizren gjatë një takimi të zhvilluar ndërmjet prodhuesve të këtij djathi, përfaqësuesve të Ambasadës së Francës në Kosovë dhe drejtuesve të Ministrisë së Industrisë, Ndërmarrësisë dhe Tregtisë.
Kryetari i Shoqatës së Prodhuesve të Djathit të Sharrit, Faton Xhabale me këtë rast ka shprehur mirënjohje për ambasadën e Francës në Kosovë për përkrahjen e çmuar “që na ka dhënë në rrugëtimin tonë për ta mbrojtur dhe promovuar pasurinë tonë kulturore dhe tradicionale, në këtë rast djathin e Sharrit”, raporton Telegrafi.
“Kjo ndihmë na ka dhënë jo vetëm besim, por edhe mundësi për të ngritur më lartë punën dhe trashëgiminë tonë kombëtare përkatësisht djathin e Sharrit”, ka thënë Xhabale.
Duke vlerësuar edhe angazhimin e fermerëve dhe prodhuesve të djathit, Xhabale ka theksuar se synimi i përbashkët ka qenë përpjekja për mbrojtjen e Djathit të Sharrit si tregues gjeografik.
“Ata (fermerët) jo vetëm që mbrojnë një prodhim unik të traditës sonë por gjithashtu sigurojnë që ky simbol i pasurisë sonë kulturore të njihet dhe vlerësohet siç duhet në tregjet ndërkombëtare si tregues gjeografik”, është shprehur Xhabale.
Ambasadori i Francës në Kosovë, Olivier Guérot ka përkujtuar se si djathi i Sharrit ka kaluar nëpër periudha të ndryshme dhe se fermerët e kanë ruajtur traditën e moçme të prodhimit të tij.
“Mbështetja për prodhuesit e djathit është përkrahje jo vetëm për ruajtjen e kësaj tradite, por është edhe përkrahje për zhvillimin e ekonomisë lokale”, ka thënë diplomati francez.
Në të njëjtën kohë ka theksuar se prodhimet e tilla janë të nevojshme jo vetëm për tregun lokal, por edhe atë global pasi që konsumatori modern vazhdimisht kërkon prodhime që janë autentike.
Ministrja e MINT-it, Rozeta Hajdari ka vlerësuar se regjistrimi i Djathit të Sharrit si emërtim i mbrojtur me origjinë dhe regjistrimi i verërave të Rahovecit si tregues gjeografik janë arritje historike për Kosovën, raporton Telegrafi.
“Këto regjistrime jo vetëm që promovojnë prodhimin vendor dhe traditat tona por vërtetë ofrojnë një garanci për cilësinë dhe origjinën për konsumatorët. Djathi i Sharrit dhe verërat e Rahovecit janë krenari kombëtare, dhe janë shembull se si mund të përdoren treguesit gjeografik për të nxitur zhvillimin ekonomik dhe për të mbështetur turizmin rural, dhe për të angazhuar komunitetin”, ka deklaruar Hajdari.
Ndërsa fermeri Idriz Qusaj gjatë diskutimeve me ambasadorin Guerot ka theksuar se vizitat e realizuara në Francë kanë qenë të mirëseardhura për shkëmbimin e përvojave, por edhe për njohuri të reja në aspektin e organizimit, krijimit e ruajtjes së brendit, por edhe gjetjes së tregjeve të reja.
Sipas të dhënave të publikuara nga Instituti Kosovar për Pronësi Intelektuale del se Djathi i Sharrit është emërtimi i parë i origjinës i regjistruar ndonjëherë në Republikën e Kosovës.
Ky djath prodhohet nga qumështi i deles dhe vjen nga rajoni i Maleve të Sharrit ku bimësia është e pasur dhe ajri i pastër, që së bashku me njohuritë, metodën dhe mënyrën tradicionale kontribuojnë në cilësinë e tij unike, dhe gjithnjë sipas Institutit në fjalë është ndër produktet më origjinale në Kosovë. /Telegrafi/
Lufta Prigozhin - Putin
Më shumëNga Rubrika
Përurohet çerdhja e re në Suharekë, Kurti: Ky objekt është vend i dijes e edukatës
Produktet e Prizrenit prezantohen në Festivalin Global Shqiptar të Gastronomisë në Berlin
Skaj Sessions mbyll edicionin e sivjetmë në Kino Lumbardhi me Rita Braga dhe Blla Blla Blla…
Cili vend i BE-së ka më shumë njerëz që mësojnë shumë gjuhë?
Ronaldo u cilësua 'i paturpshëm' nga fansat për atë që postoi në YouTube momente pasi Messi fitoi trofeun me Inter Miamin
Pamje rrëqethëse, filmohet momenti kur rrufeja godet shëtitoren në Tivar
Rrëfimi i dy paraguajanëve që mahniten me sakrificën e familjes Jashari kur vizitojnë Prekazin
Detaje se si Michael Schumacher komunikon me familjarët pas 'paraqitjes së parë publike' në 11 vjet
Gjatë një sulmi ajror, ushtria izraelite godet depon ruse në bazën ushtarake në Siri
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Cili vend i BE-së ka më shumë njerëz që mësojnë shumë gjuhë?
Rrëfimi i dy paraguajanëve që mahniten me sakrificën e familjes Jashari kur vizitojnë Prekazin
Ronaldo u cilësua 'i paturpshëm' nga fansat për atë që postoi në YouTube momente pasi Messi fitoi trofeun me Inter Miamin
Detaje se si Michael Schumacher komunikon me familjarët pas 'paraqitjes së parë publike' në 11 vjet
Pamje rrëqethëse, filmohet momenti kur rrufeja godet shëtitoren në Tivar
Gjatë një sulmi ajror, ushtria izraelite godet depon ruse në bazën ushtarake në Siri